ഓലക്കാലിൽ നിന്നും കാലു തെറ്റി-

നിലത്തു മലർന്നു വീണൊരു പല്ലി

വിപുലമായ ലക്ഷണത്തിൽ-

നാല് കാലുള്ള ഖലന് തുല്യൻ

അചലനായി വാതിൽമേലിരിക്കും പല്ലി,

ചലനമറ്റതായി തോന്നും ആലോചിച്ചാൽ

എന്നാൽ വാതിൽ തുറന്നാൽ മനസിലറപ്പുണ്ടാക്കി-

തലമേൽ വീഴുന്ന മനസ്സലിവില്ലാത്ത പല്ലി

അലമാരയിലെ ശീലയിലിരിക്കും പല്ലി,

കരതലമലക്കും സ്ഥലത്തും പല്ലി

വെല്ലുവിളികളിൽ വാൽ ഇല്ലാതാക്കും പല്ലി,

നല്ല വാൽ വന്നു ചപലകാലത്തിനുള്ളിൽ

പുതിയ വാലിനറിയില്ലല്ലോ, മനസിലാകില്ലലോ,

പല്ലിയുടെ പഴയ വാൽ നൽകിയ ബലിദാനം

കാലിയായ മനസ്സിൽ, പല്ലിയുടെ ആ പഴയ വാൽ,

നഷ്ടമായതിൻ്റെ അനുഭവങ്ങൾ, എങ്ങനെ മറക്കാം ?