അവൻ ഒരു ഉജ്ജ്വലസഞ്ചാരി

ദൂതുമായി പോയീടും സഞ്ചാരി

ഇന്നോളം കാണാമുഖങ്ങൾ തേടി

ഇരുളിൽ കാണാവെട്ടത്തിൽ പാടി

വൈഡൂര്യം തേടി ഒരു യാത്ര

വസന്തപൂക്കൾ മാടി ഈ മാത്ര

കൈകളിൽ മാന്ത്രികച്ചെപ്പുമൂടി

സന്തോഷസായാഹ്ന സന്ധ്യതേടി

തൊട്ടുതലോടുന്നോരോ ഹൃദയവും

തിളങ്ങുന്നതെന്നോരോ തോന്നലും

തിന്മനന്മ സമ്മിശ്രമീ ജീവിതവും

തിരിച്ചറിഞ്ഞീടും മർത്യമനസ്സും

ഒരു വേടനു സമമായി ഒരു ലക്‌ഷ്യം

ഒന്നൊന്നായി എയ്തിടും നേരം

ഒരിതളും നോവാതെ നനയാതെ

ഒരു നല്ല സഞ്ചാരിയായി എന്നുമെന്നും