അവിചാരിതമായാണ് സുജ അയാളുടെ ജീവിതത്തിലേക്ക് കടന്നു വന്നത്. IT കമ്പനിയിൽ ജോലിക്കിടെ ആണ് അവളെ അയാൾ കാണുന്നത്. തുടക്കക്കാർക്കുള്ള പരിശീലനവും, ജോലിക്കിടയിലെ അറിവുകൾ പങ്കു വെക്കലുമൊക്കെയായി തീർത്തും ഔദ്യോഗികമായിരുന്നു ആ ബന്ധം. പിന്നീട് കൂട്ടുകാരുമൊന്നിച്ചു ചായ കുടിക്കാനും ഭക്ഷണം കഴിക്കാനുമൊക്കെ പോകുമ്പോൾ പല ചർച്ചകളും നടക്കുമ്പോൾ നിഷ്കളങ്കമായി ഉത്തരം പറഞ്ഞ് പരിഹാസം ഏറ്റു വാങ്ങുമ്പോൾ അയാൾക്ക് … Continued
ഏകാന്തതയുടെ ഇരുട്ടിനെക്കാൾ ഭയാനകമായി മറ്റൊന്നുമില്ല, ജീവന്റെ ചെറു കണികയെ പോലും അറിയാൻ കഴിയാത്തത്ര കൂരിരുട്ട്. പ്രേതങ്ങളെല്ലാം എന്നോ ഒറ്റപ്പെട്ട് പോയവരാണ്. അവർക്ക് നിങ്ങളെ മനസ്സിലാക്കുവാൻ കഴിയും. ഒറ്റയ്ക്കാകുമ്പോൾ, ഭയം നിറയുമ്പോൾ പ്രേതം പിന്നിലുണ്ട്, മരണത്തിൽ അഭയം നല്കാൻ. ടെക്നോ പാർക്കിന്റെ പ്രധാന റോഡിൽ നിന്നും തന്റെ ഫ്ളാറ്റിലേക്ക് നീളുന്ന ഇടവഴിയിലേക്ക് അയാൾ കാർ തിരിച്ചു. നിലാവിന്റെ സ്പർശനം തെല്ലുമേൽക്കാതെ ഇരുളിനെ പൊതിഞ്ഞ് നിൽക്കുന്ന തണൽ വൃക്ഷങ്ങളുടെ നടുവിലൂടെ അത് മുന്നോട്ട് കുതിച്ചു. നിശബ്ദമായി ഒഴുകുന്ന പാതയെ അസ്വസ്ഥമാക്കികൊണ്ട് കാറിൽ നിന്നും ഉച്ചത്തിൽ പാട്ട് കേൾക്കാം. അൽപ്പം മുൻപ് അവസാനിച്ച ആന്ന്വൽ പാർട്ടിയുടെ ലഹരിയിൽ അയാൾ പാട്ടിനൊപ്പം ചുണ്ടനക്കി. കമ്പനി സി.ഇ.ഒ യും രണ്ട് സീനിയർ മാനേജർമാരും തന്നോട് ചിയേർസ് പറഞ്ഞു എന്നതിൽ അയാൾ അഭിമാനം കൊണ്ടു. റോഡിന് ഇരുവശവും നിരന്ന് നിൽക്കുന്ന കിഴവൻ മരങ്ങൾ അതിശക്തമായി വീശുന്ന കാറ്റിൽ പരസ്പരം പോരടിക്കുന്നു. നിലവിളിക്കുന്ന ശിഖരങ്ങൾക്കിടയിൽ നിന്നും പെട്ടെന്ന് എന്തോ കാറിന് മുന്നിലായി വന്ന് പതിച്ചു. ‘തിളങ്ങുന്ന രണ്ട് കണ്ണുകൾ’. ഞെട്ടി വിറച്ച അയാൾ ബ്രെക്ക് അമർത്തുമ്പോഴേക്കും കാർ ഒരൽപ്പം മുന്നോട്ട് നീങ്ങിയിരുന്നു. കാൽ വിരൽത്തുമ്പിൽ നിന്നും ഭയം അരിച്ച് കയറുന്നതായി അയാൾക്ക് തോന്നി. ഒരു നിമിഷം മുൻപ് തന്റെ കണ്ണിൽ തുളച്ച് കയറിയ ആ കാഴ്ച, ചുറ്റും തളം കെട്ടി നിൽക്കുന്ന ഇരുട്ട്, അയാൾ ശ്വാസം എടുക്കാൻ നന്നേ പ്രയാസപ്പെട്ടു. വിറയാർന്ന കൈകൾകൊണ്ട് സ്റ്റിയറിങ്ങിൽ ഇറുക്കി പിടിച്ച് പതിയെ സൈഡ് മിററിലേക്ക് നോക്കി. പിന്നിലെ വഴിയിൽ ടയർ കയറി അരഞ്ഞ ഒരു കടവാവലിന്റെ കുഞ്ഞും അതിന് ചുറ്റുമായി പറക്കുന്ന ഒരു കൂട്ടം വാവ്വലുകളും. ഇളം ചിറകുകളോട് ചതഞ്ഞ് ചേർന്ന തല ഇടത്തിൽ അവശേഷിക്കുന്ന ഒറ്റക്കണ്ണിൽ രക്തം കിനിയുന്നു. തന്നാൽ കൊല്ലപ്പെട്ട ആ ജീവി ഭയമായി അയാളിൽ പുനർജനിച്ചു. പ്രതികാര ദാഹികളായി ഒരു കൂട്ടം പറവകൾ കാറിന് നേരെ പാഞ്ഞടുക്കുന്നു, ചോരത്തിളക്കമുള്ള ഒരായിരം കണ്ണുകൾ. ഒറ്റപ്പെട്ട് പോയ ഒരു മനുഷ്യന്റെ നിസ്സഹായത ആദ്യമായി അയാൾ തിരിച്ചറിഞ്ഞു. വിയർപ്പ് ഇറ്റുന്ന വിരലുകളാൽ തിടുക്കത്തിൽ സ്റ്റാർട്ട് ചെയ്യപ്പെട്ട കാർ മുരൾച്ചയോടെ പാഞ്ഞു. ഒരു ശ്‌മശാനം പോലെ മൂകമായ അണ്ടർ ഗ്രൗണ്ട് കാർപാർക്കിങ്ങിൽ കല്ലറകൾ എന്ന പോലെ നിരവധി വാഹനങ്ങൾ. അവയുടെ ചക്രങ്ങളിൽ പലതിലും ഇനിയും ഉണങ്ങാത്ത ചോരപ്പാടുകൾ ഉള്ളതായി അയാൾക്ക് തോന്നി. തേങ്ങി കരഞ്ഞുകൊണ്ട് തെളിയുന്ന ഫ്ലൂറസെന്റ്‌ ട്യൂബിന്റെ മങ്ങിയ പ്രകാശത്തിൽ ഇരയുടെ നേരെ നടന്നടുക്കുന്ന ഒരു ചിലന്തിയെ ആയാൾ കണ്ടു. തന്റെ വലയിൽ കുരുങ്ങിയ കുഞ്ഞ് ചിത്രശലഭത്തെ ആഹരിക്കുന്ന നിറയെ രോമങ്ങളും തിളങ്ങുന്ന കണ്ണുകളുമുള്ള എട്ട്കാലി. മറ്റൊരു ഞരക്കത്തോടെ ആ ട്യൂബ് ലൈറ്റ് അണഞ്ഞു. കണ്ണ് കെട്ടിയ ഇരുട്ടിനെ മൊബൈൽ വെളിച്ചത്തിൽ ബേധിച്ച് അയാൾ ലിഫ്റ്റിന് അരികിലേക്ക് നടന്നു. ഒറ്റക്കണ്ണാൽ തറപ്പിച്ച് നോക്കുന്ന സി.സി.ടിവി ക്യാമറയുടെ കീഴിലായി നിൽകുമ്പോൾ ഏത് നിമിഷവും അത് തന്റെ ദേഹത്തേക്ക് ചാടി വീഴുമെന്ന് അയാൾക്ക് തോന്നി. ഹൃദയമിടിപ്പിന്റെ ശബ്ദം ലിഫ്റ്റിലെ ഇടുങ്ങിയ ചുവരുകളിൽ തട്ടി പ്രകമ്പനം കൊണ്ടു. വിശാലമായ ബെഡ്റൂമിന്റെ പ്രകാശത്തിലും ഒറ്റയ്ക്കാണെന്ന സത്യം പതിവില്ലാതെ അയാളെ ഭയപ്പെടുത്തുന്നു. തന്റെ കൈപിടിച്ച് ഇവിടേയ്ക്ക് വന്നവളെകുറിച്ചുള്ള ഓർമ്മകൾ അയാളിൽ തെകിട്ടി വന്നു. മധുവിധുവിന്റെ മധുരം വളരെ പെട്ടെന്ന് അവസാനിച്ചു. പരസ്പരം കുറ്റപ്പെടുത്തലുകളും കലഹങ്ങളുമായി ഒരു ഫ്ലാറ്റിൽ രണ്ട് ദ്രുവങ്ങളിലായി കഴിഞ്ഞ ദമ്പതികൾ. ‘ഞാൻ തന്നെയായിരുന്നു ശരി’ അയാൾ പിറുപിറുത്തു മൂർച്ചയേറിയ വാക്കുകൾക്കിടയിലെപ്പോഴോ നാറുന്ന ഭൂതകാലത്തെ ഛര്‍ദ്ദിച്ചത് അവൾ തന്നെയാണ്. എന്നിട്ടും ഞാൻ ക്ഷമിച്ചു. താൻ ആയിരിക്കുന്നിടത്തേക്കെല്ലാം നീളുന്ന, വരിഞ്ഞ് മുറുക്കി ശ്വാസം മുട്ടിക്കുന്ന അവളുടെ സംശയക്കണ്ണുകൾ. അവളുടേതായ ന്യായങ്ങൾ, ന്യായീകരണങ്ങൾ. ‘ഞാൻ തന്നെയാണ് ശരി’ അയാൾ വീണ്ടും മനസ്സിൽ പറഞ്ഞു. ഇരുട്ടിൽ സമയം ഇഴഞ്ഞു നീങ്ങി. പുതപ്പിനുള്ളിൽ ഉറക്കം കാത്ത് കിടക്കുന്ന അയാൾ പതിയെ പല സ്വരങ്ങളും കേട്ട് തുടങ്ങി. ദൂരെ എവിടെയോ ചിലയ്ക്കുന്ന ചീവീടുകളും ഇരുൾമൂടിയ റോഡിൽ ചീറി പായുന്ന വാഹനങ്ങളും അവയ്ക്ക് ചുറ്റും പറക്കുന്ന കടവാവലുകളും അവയുടെ കണ്ണിലെ ചുവപ്പും. വിറയാർന്ന വിരലുകളാൽ അയാൾ മുഖത്ത് നിന്നും പുതപ്പ് മാറ്റി. ചുറ്റും പേടിപ്പെടുത്തുന്ന ശബ്ദങ്ങൾ, നിഴലുകളിൽ തെളിയുന്ന ഭീകര ദൃശ്യങ്ങൾ. ചുറ്റിപ്പിണയുന്ന രണ്ട് സർപ്പങ്ങളും, ഉടൽ മാത്രമായ ഒരു മനുഷ്യ രൂപവും, ‘തല’ താൻ തിന്ന് തീർത്തതാണ് എന്ന് ചിലച്ചുകൊണ്ട് കഴുത്തിന് മുകളിലെ ശൂന്യതയിൽ അധികാരം സ്ഥാപിക്കുന്ന വാല് മുറിഞ്ഞ ഗൗളിയും അതിന് ചുറ്റും പാറുന്ന നരിച്ചീറുകളും. ബെഡ്‌ലാമ്പ്‌ ഓൺ ചെയ്തതും നിഴൽരൂപങ്ങളെല്ലാം വെളിച്ചത്തിന്റെ മറവിൽ ഒളിച്ചു. അയാൾ വാതിൽക്കലേയ്ക്ക് എത്തി നോക്കി, അത് ലോക്ക് ചെയ്തിട്ടുണ്ട് എന്ന് ഉറപ്പ് വരുത്തി. എ.സി യുടെ തണുപ്പിൽ വിറങ്ങലിച്ച ഭിത്തിയിൽ മുഖം അമർത്തി അയാൾ കിടന്നു. അല്പനേരത്തെ നിശ്ശബ്ദതയെ ഭംഗിച്ചുകൊണ്ട് വാതിലിനരികിലായി ആരോ ശ്വസിക്കുന്ന ശബ്ദം. വീണ്ടും അയാളിൽ ഭയം നിറയുന്നു. പതിഞ്ഞ താളത്തിലുള്ള ശ്വാസോഛ്വാസത്തോടൊപ്പം കൊലുസിട്ട കാലുകൾ കട്ടിലിന് നേരെ മെല്ലെ നടന്ന് വരുന്നതായി അയാൾ അറിഞ്ഞു. ആ ശബ്ദം നിലച്ചതും ഒരു നിമിഷാർദ്ധത്തിനുള്ളിൽ ബെഡിൽ രണ്ട് കൈകൾ അമർന്നു. എത്ര ശ്രമിച്ചിട്ടും അവിടേക്ക് തിരിഞ്ഞ് നോക്കാൻ കഴിയാത്ത വിധം ഭയം അയാളെ ഭിത്തിയോട് ചേർത്ത് ബന്ധിച്ചിരിക്കുന്നു. തന്റെ അരകെട്ടിന് അരികിലായി ആരോ ഇരിക്കുന്നതായി മനസ്സിലാക്കിയ അയാളുടെ ഹൃദയമിടിപ്പിന്റെ വേഗത കൂടി. നട്ടെല്ലിലൂടെ ഇരച്ചുകയറുന്ന ഉഷ്ണത്തോടൊപ്പം അത് അയാളുടെ പുതപ്പ് പങ്കിട്ടു. തന്നോട് ചേർന്ന് കിടക്കുന്ന അജ്ഞാത രൂപത്തിന്റെ ഉഛ്വാസ വായുവിലെ ചൂട് അയാളുടെ കവിളിൽ പതിക്കുന്നു. അയാൾ കണ്ണുകൾ ഇറുക്കി അടച്ചു. മനുഷ്യ കുഞ്ഞിന്റെ മണം. അവളുടെ ഗർഭപാത്രത്തിൽ മരിച്ച, താൻ തൊഴിച്ചുകൊന്ന ജീവന്റെ തുടിപ്പിനെ അയാൾ ഓർത്തു. വിറയാർന്ന ചുണ്ടുകൾ പതിയെ പറഞ്ഞു. ‘ ഞാൻ തന്നെയാണ് ശരി ‘. അത് മുഴുമിപ്പിക്കും മുൻപേ അയാളുടെ കഴുത്തിൽ കുഞ്ഞ് പല്ലുകൾ ആഴ്ന്നിറങ്ങി. Name : Sooraj JoseCompany : EY, Kinfra You need to login in order to like this post: click here
മൂന്ന് വശങ്ങളിലും നരച്ച ഓല മെടഞ്ഞു കെട്ടിയ ആ ചെറിയ വീടിനുള്ളിലേക്ക് സൂര്യന്റെ ചെറുവെളിച്ചം അരിച്ചു വീഴാൻ തുടങ്ങിയിരുന്നു.വക്കൊടിഞ്ഞ പലകക്കട്ടിലിന്റെ വലത്തേയറ്റത്ത് തെല്ലൊരു ആലസ്യത്തോടെ വീണ കറുത്ത കൈവിരലിലൂടെ ഒരു തുള്ളി വിയർപ്പ്. അത് നിലത്ത് വീണുകിടന്നിരുന്ന തേയിലക്കിളുന്തിനെ ചെറുതായി നനച്ചു. അങ്ങിങ്ങായി പണ്ടേ കീറിയിരുന്ന ഉടുപ്പ് നേരെയാക്കി അവൾ എഴുന്നേൽക്കാൻ ഭാവിച്ചു. ഷർട്ടിന്റെ ചുവട്ടിലെ … Continued
സിംപോസിയം കഴിഞ്ഞു എല്ലാവരും പാത്രങ്ങളുമായി വിവിധതരം ആഹാരസാധനങ്ങൾ നിരത്തി വച്ചിരിക്കുന്നതിനുമുന്നിൽ വരിയായിനിന്നു.വരിയിൽ ആദ്യമായിരുന്ന രേഷ്മയും സൂസനും സാറയും നിലത്തിഴയുന്ന സാരിത്തുമ്പ് ഒരുകൈയിലും നിറഞ്ഞ പാത്രം മറുകൈയിൽ ബാലൻസ്‌ചെയ്‌തു നിർത്തിയും മുറിയുടെ ഒഴിഞ്ഞകോണിലേക്ക് നടന്നു. “എനിക്കിനിയും മനസിലാകുന്നില്ല , എങ്ങനെയാണ് ഒരാൾക്ക് സ്വന്തം ജീവിതം അവസാനിപ്പിക്കാൻ തോന്നുക.” അപ്പം മട്ടൺ സ്റ്റുവിൽ മുക്കികൊണ്ട് സാറ പറഞ്ഞു. “സത്യം … Continued
മഞ്ഞവെയിൽ വിരിച്ചിട്ട പാതയിൽ അല്പം തണൽ വീണു മങ്ങിയ ഒരിടത്തിൽ രമേശൻ തന്റെ ബൈക്കൊതുക്കി വെച്ചു. ഹെൽമറ്റ് ബൈക്കിൽ തന്നെ തൂക്കി, വിയർത്തൊലിച്ച മുഖമൊപ്പിക്കൊണ്ടയാൾ പോലീസ് സ്റ്റേഷനിലേക്ക് ,വീണു കിടക്കുന്ന കരിയിലകൾ നിറഞ്ഞ് കനം വെച്ച ചെറുറോഡിലൂടെ വേഗത്തിൽ നടന്നു. പുറത്തു നിന്ന പൊലീസുകാരനോട് വിവരങ്ങൾ പറഞ്ഞു തീരും മുമ്പേ അയാൾ അകത്തേക്കാനായിക്കപ്പെട്ടു. അവിടുള്ളവർ തന്നെ വളരെ നേരമായി … Continued
പുകച്ചുരുളുകളെ പല വിധേന രൂപപ്പെടുത്തുന്ന വിനോദത്തിലേർപ്പെടാനാണ് ഈയിടെയായി ഞാൻ സിഗരറ്റു വലിക്കുന്നത് തന്നെ .അതിൽ നിന്ന് ലഹരിയൊക്കെ കിട്ടിയ കാലം എന്നേ കഴിഞ്ഞു . കോടതി പരിസരമാണെങ്കിലും ഞാനടക്കമുള്ള പത്രക്കാർക് ഇത്തിരി പതുങ്ങി പുക വലിക്കാനുള്ള ഒരിടം അവിടെ ഉണ്ട് . മടുപ്പുളവാക്കുന്ന ദീർഘമായ ഇടവേളകളിൽ ഒരാശ്വാസത്തിന്റെ കനൽ. പത്രപ്രവർത്തനം തുടങ്ങിയ കാലം മുതൽ ഈ … Continued
തറവാട് പൊളിച്ചു! വിവരം പറഞ്ഞത് അമ്മയാണ്. കുറച്ചു നാളായി അമ്മ കൂടെയുണ്ട്. പ്രത്യേകിച്ച് ഒന്നും തോന്നിയില്ല! ഭാഗമൊക്കെ പണ്ടേ തിരിഞ്ഞതാണ്. ആ വീടിനോട് ചേർന്ന് ഒരു പിടി മണ്ണ് എനിക്ക് സ്വന്തമാണ്. വീട്, അതിൻ്റെ അവകാശികൾ പൊളിക്കുന്നു. ആയിക്കോട്ടെ! അല്ലേലും എനിക്ക് അതിൽ എന്തു എതിർപ്പ് ഉണ്ടാവാനാണ്? പക്ഷേ! എന്തോ മനസ്സിലൊരു വിങ്ങൽ. അവധിയെടുത്തു നാട്ടിൽ … Continued
പാരീസിന്റെ മുകളിൽ മറ്റൊരു ശൈത്യകാലം കൂടി വെള്ള വിരിക്കുന്നത് ഏഡ്വേർഡ് നോക്കി നിന്നു. വില്ല വിൻഡ്സോറിന്റെ പരിസരമെല്ലാം വെള്ളയും കറുപ്പും മാത്രമായ് കഴിഞ്ഞു. “ഡേവിഡ്?” വാലിസാണു. “റെഡിയല്ലേ, അയാളോട് വരാൻ പറയട്ടെ” ഇന്റർവ്യൂ ആണ്. ഏറ്റവും കുറച്ചു കാലം ദ ഗ്രേറ്റ് ബ്രിട്ടൻ ഭരിച്ച എഡ്വേർഡ് എട്ടാമനെ ഇന്റർവ്യൂ ചെയ്യാൻ വരുന്നതാണ്. “വരാൻ പറയു, പ്രത്യേകിച്ച് … Continued
“ഷെറിൻ….ഷെറിൻ…” അങ്ങനെ വിളിക്കുമ്പോൾ അതുവരെ നാട്ടുവിശേഷങ്ങൾ പറഞ്ഞുകൊണ്ടിരുന്ന എന്റെ ശബ്ദം ഇടറുന്നുണ്ടായിരുന്നു. കണ്ണുകളിൽ ഇരുട്ട് പടരാൻ തുടങ്ങിയിരുന്നു. ഷെറിൻ, അവൾ അതുവരെ എന്റെ തൊട്ടടുത്തുതന്നെ ഉണ്ടായിരുന്നു. അവളെ തിരഞ്ഞ എന്റെ കണ്ണുകൾ നിരന്തരം പരാജയപ്പെട്ടുകൊണ്ടേ ഇരുന്നു. കാഴ്ചയോടൊപ്പം ബോധവും മറയുന്നതുപോലെ എനിക്കു തോന്നി. ഓർമകൾ അവിടവിടെയായി ചിന്നിച്ചിതറി കിടക്കുന്നതുപോലെ. അവയെ കോർത്തിണക്കാൻ വേദനകൊണ്ടു തളർന്നു തുടങ്ങിയിരുന്ന … Continued
മനുഷൃരാശിയുടെ ഉൽപ്പത്തി മുതൽ അവനുള്ളിലെ ഒരിക്കലും കെടാത്ത ഊർജ്ജ സ്രോതസ്സാണു പോരാട്ടവീരൃം.ഏത് പ്രതികൂല സാഹജര്യത്തെയും അവന്‍ കീഴ്പെടുത്തിയിട്ടുള്ളതും ഇതേ ശക്തിയുടെ പിൻബലത്തിലാണ്.ഇനി ഞാൻ നന്ദുവിന്റെ കഥ പറയാം. നന്ദു വീട്ടിലെ മൂത്ത കുട്ടിയാണ്. വീട്ടിൽ അച്ഛനും അമ്മയും കുഞ്ഞന്‍ അനിയനുമുണ്ട് . നന്ദുവിനു വയസ്സ് പത്താകും വരുന്ന മേയ്യില്‍, അവന്റെ അനിയനാകട്ടെ ഒരു നാല് വയസ്സുകാരാനും.ഒരു സാധാരണ കുടുംബം. സന്തുഷ്ട കുടുംബം … Continued
ആകാശ മധ്യത്തിൽ മേഘങ്ങൾക്ക് കീഴെ പറന്നുകൊണ്ടിരിക്കുന്ന ആ വിമാനത്തിൽ നിന്നും അവൻ പുറത്തേക്ക് നോക്കി. മുപ്പതു വർഷത്തെ തൻ്റെ ജീവിതം ആ മേഘകീറുകൾക്കിടയിലൂടെ നോക്കിയപ്പോൾ ആദ്യം വ്യക്തമായും പിന്നെ പിന്നെ നേർത്ത ഒരു രേഖയായും മാറുന്നത് അവൻ തിരിച്ചറിഞ്ഞു. ലോകം വെട്ടിപ്പിടിച്ച ചരിത്ര പുരുഷന്മാരെല്ലാം ഒരിക്കൽ ഇതുപോലെ എല്ലാം ദൂരെ ഉപേക്ഷിച്ചു ഇറങ്ങി പുറപ്പെട്ടവരാണെന്ന് ഓർത്തപ്പോൾ അവനു തെല്ലൊരാശ്വാസം തോന്നി. എങ്കിലും അമ്മച്ചി ഒരിക്കൽ പറഞ്ഞിട്ടുണ്ട്,നിൻ്റെ അപ്പനൊരു ദീർഘവീക്ഷണം ഉള്ള ആളാണെന്ന്‌ .എന്നിട്ടെന്തേ അപ്പൻ ഞാൻ എടുത്ത ഈ ബുദ്ധിപരമായ തീരുമാനം എടുത്തില്ല. എളേപ്പന്മാർ ഉൾപ്പടെ എല്ലാരും ഗൾഫിൽ പോയ് പണംവാരിയപ്പോളും അപ്പൻ ഈ മലംചെരുവിൽ ഇഞ്ചിത്തോട്ടത്തിനു കാവലിരിക്കുകയായിരുന്നല്ലോ… കാര്യം അപ്പൻ കൊടികളൊന്നും ഉണ്ടാക്കിയില്ലെങ്കിലും എന്നെയും പെങ്ങന്മാരെയും മാന്യമായി തന്നെ വളർത്തി.. അത് സത്യം.. എന്നിരുന്നാലും ലൂക്ക കാണിച്ച show അത് ഞാനിന്നും മറക്കില്ല.എളേപ്പൻ്റെ മകനാണ് ലൂക്ക.. ഇന്നും എൻ്റെ മൂക്കിലുണ്ട് foreign perfume -ൻ്റെ മണവും, റെയ്ബാൻ ഗ്ലാസും, റോളക്സ് വാട്ച്ചും … ഹും.. ഡാ ലൂക്കാ .. നീ കേട്ട ഗൾഫിലേക്കല്ല ഈ റോണിയുടെ പടപ്പുറപ്പാട്.. അങ്ങ് ദൂരെ. പസിഫിക്‌ ൻ്റെ അറ്റത്തു.. കിവികളുടെ നാട്ടിലേക്കാണ് New Zealand ലേക്ക് … പക്ഷെ ഇപ്പോഴും മനസ്സിലെവിടെയോ ഒരു വിങ്ങൽ .. “ഭാര്യയെയും കുഞ്ഞിനേയും വിട്ടു പോകുന്ന ഇയാള് ?” തൊട്ടടുത്തിരുന്ന യാത്രക്കാരൻ ചോദിച്ചു . “ഇതാരപ്പ എൻ്റെ മനസ്സ് ഇത്രകണ്ട് തിരിച്ചറിഞ്ഞ ആൾ “.. റോണി അയാളെ തുറിച്ചു നോക്കി.. അയാൾ “നീ അന്തംവിടണ്ട .. ഞാൻ ഇത് ഒരുപാട് കണ്ടിട്ടുണ്ട് . ആദ്യമായ് കുടുംബത്തെ വിട്ടു മറുനാട്ടിലേക്ക് പോകുന്നവൻ്റെ ഹൃദയമിടിപ്പ് എൻ്റെ നെഞ്ചിലിപ്പോഴുമുണ്ട് ചങ്ങാതി.. റോണിക്ക് ചെറിയൊരു ആശ്വാസം തോന്നി. റോണി : “എന്നാലും എനിക്ക് ഭാര്യയും കോച്ചും ഉണ്ടെന്ന് എങ്ങനെ എങ്ങനെ മനസിലായി .. അയാൾ : “അത് പകുതിയും ഒരു guess ആണ് ..വിവാഹമോതിരം കണ്ടപ്പോൾ മനസ്സിലായി married ആണെന്ന്.. പിന്നെ എയർപോർട്ട് ലോബിയിൽ വെച്ച് ഞാൻ നിങ്ങളെ കണ്ടിരുന്നു.. അപ്പോൾ നിങ്ങളുടെ കയ്യിൽ ഒരു കുഞ്ഞുണ്ടായിരുന്നു … “ റോണി (ചിരിച്ചുകൊണ്ട് ) : നിങ്ങൾ പറഞ്ഞത് സത്യമാണ് .. അവരെ വിട്ടുപിരിയുന്നതിൽ എനിക്ക് വല്ലാത്തൊരു വിഷമം ഉണ്ട്’..” അയാൾ ഷേക്ക് ഹാൻഡ് കൊടുത്തുകൊണ്ട് : ” ഞാൻ Vargheese ..” ഇനി നമുക്ക് അയാളെ പേരുവെച്ചു അവിസംബോധന ചെയ്യാം .. വർഗീസ് : “അതിനു നിന്നോടാരാണ് വിട്ടുപിരിയാൻ പറഞ്ഞത് ..” റോണി അല്പം ചൊടിച്ചുകൊണ്ടു :”പൈസ ഉണ്ടാക്കണ്ടേ ചേട്ടാ.. പുറത്തൊക്കെ പോയ് ഒന്ന് settle ആകണ്ടേ?” വര്ഗീസ് : “അത് നിനക്കു നാട്ടിൽ നിന്നാൽ പറ്റില്ലേ?” റോണി : “അത് അത്ര എളുപ്പമല്ല ചേട്ടാ ..” വർഗീസ് :”ഓ അപ്പോ New Zealand ൽ എളുപ്പമാണ് ഇതൊക്കെ എന്ന് നിന്നോട് ആരാണ് പറഞ്ഞത്?” റോണി : “പിന്നെ നിങ്ങൾ എന്തിനാ അങ്ങോട്ട് പോയത്? “ വര്ഗീസ് : “അഹ് ഇപ്പോഴാണ് നീ കറക്റ്റ് ചോദ്യം ചോദിച്ചത് .. ഞാൻ പറഞ്ഞു തരാം.. പത്തു വര്ഷം മുൻപ് ഇതുപോലെ ഒരു ഫ്ലൈറ്റ് -ൽ നിന്നെപ്പോലെ കുടുംബത്തെ പിരിഞ്ഞു ആദ്യമായ് ഞാനും യാത്രചെയ്തു.. അന്ന് എൻ്റെ അടുത്ത് പ്രായമുള്ള ഒരാളാണ് ഇരുന്നിരുന്നത്.. അയാൾ ഫ്ലൈറ്റ് ടേക്ക് ഓഫ് നു കുറച്ച മുൻപ് എന്നോട് പറഞ്ഞു .. “നിനക്കു ഇറങ്ങണം എങ്കിൽ ഇപ്പോൾ ഇറങ്ങണം.. ഇപ്പോൾ ഇറങ്ങിയില്ലെങ്കിൽ നിനക്കു പിന്നെ ഒരിക്കലും ഇറങ്ങാൻ പറ്റില്ല..കാരണം നീ നിധി തേടി ഇറങ്ങുന്ന നാവികൻ പോലെയാണ് . ഒരിക്കൽ നെ അവിടെ എത്തിയാൽ , … Continued
“വിശ്വാസികൾ ഇത്ര മണ്ടന്മാരാണോ?” “എല്ലാ വിശ്വാസികളും മണ്ടന്മാരല്ല ..പക്ഷെ അത് വിറ്റ് കാശാക്കുന്നവർ അതിനേക്കാളേറെ കൗശലക്കാരാണ് “ “നല്ലൊരു ശതമാനം വിശ്വാസികളും പാവങ്ങളാണ്…പൊള്ളത്തരം കാണിക്കുന്നവരെ കണ്ണുമടച്ചു വിശ്വസിക്കുന്നവർ “ “അതാണ് ഈ സമൂഹത്തിലെ ഭക്തിയും രാഷ്ട്രീയവും “ “അതെ രണ്ടും ചീഞ്ഞുനാറിക്കൊണ്ടിരുക്കുവാണ്” … Continued
ചുറ്റിലും ദൈവികമായ കടും ചുവപ്പ് നിറം… തെളിഞ്ഞു കത്തുന്ന ആയിരം കെടാ വിളക്കുകൾ… സ്വയം ഊറ്റo കൊണ്ട് ഉറഞ്ഞു തുള്ളുന്ന ദേവി കോമരം.ശക്തി സ്വരൂപീണിയായ ഭഗവതി മുല്ലപ്പൂ പല്ലുകൾ കാട്ടി ചിരിച്ചു. എല്ലാവർക്കും നിറഞ്ഞ മനസ്സോടെ പ്രസാദവും അനുഗ്രഹങ്ങളും അരുളി.ഭക്ത വത്സലയായ ദേവി…. പൂരം കഴിഞ്ഞാൽ പൂരപ്പറമ്പൊഴിഞ്ഞാൽ കുട്ടികൾ അവിടെ തെയ്യവും കോമരങ്ങളും അഭിനയിച്ചു കളിക്കും.. … Continued
സുനിക്കുട്ടൻ്റെ തൂങ്ങിമരണം ആദ്യം കണ്ടത് റബർ വെട്ടുകാരൻ വറീതാണെങ്കിലും അതിൻ്റെ മുഴുവൻ ക്രെഡിറ്റും ആയാൾക്കുള്ളതല്ല. ഉറഞ്ഞു തൂങ്ങിയ റബർ പാലുപോലെ ഒരു ജട്ടിരൂപി, താൻ പതിവായി വെട്ടുന്ന റബറിൻ്റെ താഴ്ന്ന കൊമ്പിൽ ഉടുമുണ്ടിൽ കെട്ടി ഞാന്നു കിടക്കുന്നതു ഹെഡ്‍ലൈറ്റിൻ്റെ വെളിച്ചത്തിൽ കണ്ടു വറീത് വിറങ്ങലിക്കുമ്പോൾ കിഴക്കു വെള്ള കീറാൻ തുടങ്ങുകയും കറവക്കാരൻ വാസു പശുക്കളുള്ള വീടുകളുടെ … Continued
കൃത്യം പതിനൊന്നു തവണ അടിച്ചതിന്നു ശേഷം സെന്റ് മേരീസ് ചെർച്ചിലെ പള്ളിമണി വീണ്ടും നിശബ്ദനായി തൂങ്ങി കിടന്നുറങ്ങി. അച്ചുവേട്ടന്റെ ചായകടയിൽ നിന്ന് ഒഴുകി വന്ന ശുദ്ധ സംഗീതം അവനിൽനിന്നു അകന്നു തുടങ്ങിയിരുന്നു. ജന സഞ്ചാരം നിലച്ച വഴികളിലൂടെ അവൻ നടന്നു നീങ്ങി. റോഡിനരികിൽ ചുവന്നു നിന്ന ട്രാഫിക് ലൈറ്റുകൾ ചുറ്റും ആരോ മുറുക്കി തുപ്പിയ പ്രതീതി … Continued
ആത്മഹത്യയുടെ മുനമ്പിൽ ഒരിക്കലെങ്കിലും പകച്ചു നിന്നിട്ടുള്ള ഒരുവൾക്കേ, ഇത്രമേൽ ആഴത്തിലുള ഒരു കവിതയെഴുതാൻ കഴിയൂ… പറയൂ , എന്താണ് നിന്നെ ഇത്രയ്ക്ക് അലട്ടുന്നത് ? ഉത്തരം നല്കാതെ അവൾ തിരിഞ്ഞു പോകാൻ ഭാവിക്കയാണ്.. “ശിശിര… ഒന്നു നില്ക്കൂ…” മുഖത്തേക്ക് പോലും നോക്കുന്നില്ല. അവളെപ്പോലെ നൂറു പേർ , വിഷാദം കലർന്ന മുഖവും അതിലേറെ വിഷാദഭരിതമായ കവിതകളും പേറി മുന്നിലെ … Continued
In that small crowded room, the man with no mask coughed…! *****The End***** Name : Rohith K A Comapny : TCS, Kochi You need to login in order to like this post: click here
It was around 5.00 AM Saturday morning, Thresya sister’s phone rang. It woke her up from a nap leaning back in an armchair amidst her night shift. “Thresya sister, this is me Maya, please, can I talk to papa? … Continued
കഥ തുടങ്ങുന്നത് വളരെ കാലം മുന്നെയാണ്. എന്നാണെന്നു കൃത്യമായി ഞാനോർക്കുന്നില്ല.അന്നും ഇന്നും സൂര്യൻ വെളുത്തിട്ടാണ്, ഞാൻ കറുത്തിട്ടും. അന്നും അദ്ധ്യാപകരുണ്ടായിരുന്നു, ഇന്നും. ഒരു ചോദ്യവും. ആ ചോദ്യം ഇന്നും എൻ്റെ ഉള്ളിലുണ്ട്. “വലുതാകുമ്പോൾ നിനക്കാരാവണം?” കുട്ടികൾ ഓരോരുത്തരായി എഴുന്നേറ്റു നിന്നു. അവർക്കു തെല്ലും സംശയമില്ലായിരുന്നു. അവർ ഒരേ സ്വരത്തിൽ പറഞ്ഞു, “എനിക്ക് കോമാളിയാകണം. ചുണ്ടിൽ ഒലിച്ചിറങ്ങിയ … Continued
“Diyan, you should do something.” “Ok. When are they planning to come?” “Coming Sunday may be. Dad told me that his family also may come. So they might fix everything the same day.” “Ok Priya. So what am I supposed … Continued
One day there was a small happy family. Husband name was Pranav and wife’s name was Anusha. They were young and newly married couples who lived in a small house. Both were working in an IT field. As the symbol … Continued
സിറ്റിയിൽവെച്ചാണ് വിഷ്ണുവിനെ കണ്ടത്. അവൻ എന്റെ മുമ്പിലേക്കു ചാടി വീഴുകയായിരുന്നു. അങ്ങോട്ട് എന്തെങ്കിലും ചോദിക്കുന്നതിനു മുൻപേ അവൻ പറഞ്ഞു- അടുത്ത മാസം മൂന്നാം തീയതിയാണ് നമ്മൾ പറക്കുന്നത്. ആ സ്വപ്ന ഭൂമിയിലേക്ക്. ഈ യാത്ര വിജയിച്ചാൽ അറിയാല്ലോ എന്തായിരിക്കും നിന്റെ ഭാവി എന്ന്? പിന്നെ വേറെ ജോലിക്കുവേണ്ടി അലയേണ്ടിവരില്ല. കണ്ണടച്ചുതുറക്കും മുൻപേ മൂന്നാംതിയ്യതി ആയി. അതെ … Continued
വീണ്ടുമൊരു കർക്കിടകം. കോരിച്ചൊരിയുന്ന മഴയില്ല. മണ്ണിന്റെ മണമില്ല.കുളിരും നനവുമില്ല! രാമായണം കേൾപ്പാനില്ല. വരകൾ പോറിയ പാതിയുടഞ്ഞ കണ്ണാടിയിലെ കണ്ണുകളിൽ അശ്രുബിന്ദു. അവ കണ്ണുകൾക്കു തിളക്കമേകുന്നുണ്ടോ ? ഉണ്ട്! വല്ലാത്തൊരു തിളക്കം. പക്ഷെ ആ കണ്ണുകളിലെ അഗ്നി കെട്ടുപോയിരിക്കുന്നു. അത് കെടുത്തിയതും ആ ബാഷ്പബിന്ദു തന്നെ. നേരം വൈകുന്നു! ബാക്കി … Continued
ചുറ്റും ഇരുട്ടാണ്. പക്ഷേ എനിക്ക് എല്ലാം കാണാം. എവിടെ ചിന്നൂം അമ്മേം. വേറെ കൊറേ ആൾക്കാർ ഒക്കെ ഉണ്ട്, ചിലരെ ഇവിടെ ഇതിന് മുമ്പ് കണ്ടിട്ടില്ല. ആരാണാവോ ഇവർ. എല്ലാവരും തിരക്കിട്ട് എന്തൊക്കെയോ ചെയ്യുന്നു, ഓടുന്നു, ഉറക്കെ സംസാരിക്കുന്നു. ഞാൻ മിണ്ടാതെ കുറച്ച് അപ്പുറത്തേക്ക് മാറി നിന്നു, അവർക്ക് ഇനി ഞാൻ ഒരു ശല്യം ആവണ്ട. … Continued
Part 1 വെറുതെ ക്ലാസ് കട്ട് ചെയ്യാൻ ലൈബ്രറിയിലേക്ക് പോയ ഞാൻ, ഷെൽഫിലേക്കു വെറുതെ കണ്ണോടിച്ചപ്പോ പെട്ടെന്ന് ക്ലിക്ക് ആയ ഒരു നോവൽ്.. Can Love happen twice. അതാണ് എല്ലാത്തിനും കാരണം. അതവളെ ഒരുപാട് ചിന്ടിപ്പിച്ചു, ആ നോവലിന്റെ പേര്. അതെടുക്കണം വായിക്കണം എന്നൊക്കെ മനസ്സിൽ വന്നെങ്കിലും എന്തോ ഒന്ന് അവളെ പിന്നിലേക്ക് വലിച്ചു. … Continued
ഈ വ്രണങ്ങൾ ഇനി ഉണങ്ങില്ല. ഈ രോഗ ശയ്യയിൽ നിന്നും ഞാൻ എഴുന്നേൽക്കില്ല. നിസ്സഹായനായി അതികഠിനമായ വേദനയും സഹിച്ചുകൊണ്ട് വീടിന്റെ മേൽ തട്ടിൽ നോക്കി ഇങ്ങനെ കിടക്കുമ്പോൾ പണ്ടെപ്പോഴോ മുത്തശ്ശി പറഞ്ഞു തന്ന രാക്ഷസന്റെ കഥ ഓർമ വരുന്നു. കുട്ടികാലത്ത് എന്നെ ഒരുപാട് ഭയപ്പെടുത്തിയിരുന്ന കഥ. ലോകമെന്നോ, നാടെന്നോ, രാജ്യമെന്നോ, തീരെ ഓർമ കിട്ടുന്നില്ല കഥ … Continued
“ലക്ഷ്മിയമ്മറിഞ്ഞോ, പെരുമ്പുഴയ്ക്കളെ അമ്പലത്തിലെ മൂർത്തിയുടെ ചൈതന്യം നഷ്ടപ്പെട്ടൂന്ന്!!!!! നാരായണൻ നായര് പറഞ്ഞറിഞ്ഞതാ. പ്രശ്നത്തിൽ കണ്ടതാണെത്രെ . അവിടുത്തെ പഴയ ഒരു ശാന്തിക്കാരൻ മരിച്ചന്നു തുടങ്ങീന്ന് മങ്ങൽ . അവിടടുത്തല്ലേ നിങ്ങടെ വീട്?” അമ്മിണിയമ്മയുടെ വകയായിരുന്നു ചോദ്യം . നാല്പത് കൊല്ലം മുൻമ്പ് കല്യാണം കഴിഞ്ഞ് വന്നപ്പോ മുതൽക്കുള്ള ശീലം ആണ്, ദിവസേനയുള്ള ക്ഷേത്രദർശനവും അത് കഴിഞ്ഞുള്ള വിശേഷം പറച്ചിലും. “മ്മ്മ് അതേ, പക്ഷേ ഞാൻ അറിഞ്ഞില്ലായിരുന്നു അമ്മിണീ, ഞാൻ അങ്ങോട്ട് നടക്കട്ടെ, ഇന്ന് രണ്ടു പേർക്കും ജോലിക്ക് പോകേണ്ടയാ, ഞാൻ ചെന്നിട്ടു വേണം അവർക്കിറങ്ങാൻ” . ഇത്രയും പറഞ്ഞൊപ്പിച് ലക്ഷ്മിയമ്മ വീട്ടിലേക്ക് നടന്നു. ആ വാർത്ത കേട്ടപ്പോൾ വിഷമമാണോ ആശ്വാസമാണോ തോന്നിയത് എന്നവർക്ക് വ്യക്തമായി മനസ്സിലായില്ല, പക്ഷേ നടുക്കം തോന്നീല്ല. കഴിഞ്ഞ ഒരാഴ്ചയായി അകാരണമായി പിടികൂടിയ വിഷമത്തിനു ഉത്തരം കിട്ടി അവർക്ക്. അടുത്ത ദിവസം രാവിലെ തന്നെ ലക്ഷ്മിയമ്മ പെരുമ്പുഴയ്ക്കളെ ബസ് കയറി . ദിനേശൻ കൊണ്ട് വിടാമെന്നു നന്നേ പറഞ്ഞതാണ്, അവർ സമമതിച്ചില്ല; അവരുടെ എത്രയോ വര്ഷങ്ങളുടെ കാത്തിരിപ്പായിരുന്നു ഈ യാത്ര .ഭർത്താവിൽ നിന്നും എല്ലാക്കാലത്തും മനപ്രയാസം അനുഭവിക്കാനായിരുന്നു യോഗമെങ്കിലും അയാളുടെ കാലശേഷം മക്കളും മരുമക്കളും അവരെ പൊന്നു പോലെ ആണ് നോക്കീരുന്നത്. തന്റെ പേരിൽ ഉള്ളതൊക്കെ രണ്ടു മക്കളുടേയും പേരിൽ പണ്ടേ ഏഴുതിവെച്ചിരുന്നു, മക്കളേയും അവരുടെ മക്കളേയും വളർത്തി കാര്യപ്രാപ്തരുമാക്കി, ഇനിയീ ജന്മത്തിൽ അങ്ങനെ വല്യ കടങ്ങൾ ഒന്നും ബാക്കിയില്ല; ഈ ഒരെണ്ണം ഒഴിച്, അവർക്ക് അവരോടു തന്നെയുള്ള ഒരു കടം. വെയില് വരണേന് മുന്നേ അങ്ങെത്തി,നടക്കാവുന്ന ദൂരെയുണ്ടായിരുന്നുള്ളു അനന്തൻ പോറ്റിയുടെ വീട്ടിലേക്ക് . വയ്യാത്ത മുട്ടും നീക്കി വേച്ചു വേച്ചു അവര് നടന്നു, വഴിയിൽ എങ്ങും പരിചയുമുള്ള ഒരു മുഖം പോലും കണ്ടില്ല. “അധരം മധുരം വദനം മധുരം നയനം മധുരം ഹസിതം മധുരം……ഇന്നലെ വാർത്ത കേട്ടപ്പോൾ തൊട്ട് ചുണ്ടിൽ കൂടിയതാണ്…അവര് പാട്ടു മൂളി നടന്നു” ഒരു വാടക വീട്ടിൽ , ഒറ്റയ്ക്കായിരുന്നു പോറ്റിയുടെ താമസം. കീഴ്ശാന്തിയായി വന്നപ്പോൾ, അന്നത്തേ മേൽശാന്തി വാമദേവൻ പോറ്റി തരമാക്കി കൊടുത്ത വീടാണ്. ലക്ഷ്മിയമ്മയുടെ അച്ഛനും, അന്നത്തേ പ്രമാണി ആയിരുന്ന വിക്രമൻ നായരുടെ അടുത്ത ഒരു ബന്ധുവിന്റെ വീട്. സ്വത്തുതർക്കത്തിൽ പെട്ട് എല്ലാരുമാലും മറന്നുപോയ ആ വീട്ടിൽ പിന്നീക്കാലം വരേയും പോറ്റി വാടക കൊടുക്കാത്ത വാടകക്കാരനായി കഴിഞ്ഞു കൂടി. വയസ്സായ അമ്മയേ മരിക്കണേന് കുറച്ചു നാള് മുന്നേ കൊണ്ട് നിർത്തിയതൊഴിച്ചാൽ, പോറ്റി ഏറെക്കാലവും ഒറ്റയ്ക്കായിരുന്നു അവിടെ. അവസാനകാലം വലിവിന്റെ ശല്യം കൂടുതലായപ്പോൾ അനന്തരവനെ കൂടെ കൂട്ടി. കുറച്ചു പ്രയാസപ്പെട്ടെങ്കിലും ലക്ഷ്മിയമ്മ ആ വീട് കണ്ടു പിടിച് എത്തിച്ചേർന്നു. അവരെ ആ അനന്തരവൻ ചെക്കന് മനസ്സിലായില്ലെങ്കിലും, വിശദമായി സ്വീകരിച്ചിരുത്തി. കുശലാന്വേഷങ്ങൾക്കൊടുവിൽ അവർക്കു കുടിക്കാനായി കുറച്ചു മോരുംവെള്ളം എടുക്കാൻ അവൻ അകത്തേയ്ക്ക് പോയി. കാത്തിരുന്ന അവസരം കിട്ടിയ പാടേ അവരും അകത്തേയ്ക്ക് ധിർത്തി വെച്ചുനടന്നു, ആരേയോ അന്വേഷിച്ചെന്നപ്പോലെ. മുറികൾക്കുള്ളിൽ ചന്ദനത്തിരിയുടേയും അരച്ച ചന്ദനത്തിന്റെയും മണം തളം കെട്ടി നിൽക്കുന്നുണ്ടായിരുന്നു. ആ മണത്തിന്റെ ലഹരിയിൽ, അനന്തന്റെ ഇടതൂർന്ന ചുരുണ്ട മുടിയും, ചിരിക്കുമ്പോൾ തിളങ്ങുന്ന കണ്ണുകളും, ഇടത്തെ കവിളിലെ നുണക്കുഴിയും എല്ലാം അവർ, കണ്മുന്നിൽ എന്ന പോലേ , കണ്ടു . പെട്ടന്ന് രണ്ടു കുഞ്ഞി കൈകൾ അരയ്ക്ക് ചുറ്റി പിടിച്ചു “‘അമ്മ എന്താ വരാൻ ഇത്രേം വൈകിയേ?” പെട്ടന്നുണ്ടായ ഞെട്ടലിൽ നിന്ന് വേഗം തിരിഞ്ഞുനോക്കിയപ്പോൾ അവര് കണ്ടു, ആറേഴു വയസ്സ് പ്രായം തോന്നിക്കുന്ന ഒരു മിടുക്കൻ ലക്ഷ്മിയമ്മ അവന്റെ കവിളിൽ തലോടി “വിവരം അറിഞ്ഞുടൻ ഞാൻ തിരിച്ചു കണ്ണാ, നീ ഇവിടെ ഉണ്ടെന്ന് എനിക്ക് മനസിലായി.” അവൻ മറുപടി പറഞ്ഞു “‘ഞാൻ പിന്നെ എവിടെ പോകാനാ, അമ്മ വന്നിട്ട് പോയാൽ മതീന്ന് അച്ഛൻ പറഞ്ഞായിരുന്നു.” “മ്മ് ഞാൻ എത്തിയല്ലോ ഇനി നീ തിരിച്ചു പൊക്കോ , അമ്പലം അടഞ്ഞു കിടക്കണത് നിന്റെ അച്ഛൻ സഹിക്കില്ല അറിയാല്ലോ , അതിനാ ഞാൻ അറിഞ്ഞുടൻ വന്നേ. എന്നെ അച്ഛന്റടുത് ആക്കിയിട്ട് നീ പൊക്കോ “ ചായയുമായി എത്തിയ കുഞ്ഞിരാമൻ കണ്ടത് ലക്ഷ്‌മിയമ്മേടെ ചേതനയറ്റ ശരീരം ആയിരുന്ന ——————————————————- ——————————————————- വർഷങ്ങൾക്ക് മുനമ്പ് പെരുമ്പുഴയ്ക്കൽ ശ്രീകോവിലിനു മുന്നിൽ ഒരു ദിവസം ————————————————————- ——————————————————- “ഇപ്പൊ മദ്യസേവയും തുടങ്ങീട്ടുണ്ട് ഇന്നലെ തല്ലാൻ ഒന്ന് കൈ ഓങ്ങുവോം ചെയ്തു. മടുത്തു എനിക്ക് , ഇനിയും ഒരായുസ്സുണ്ടല്ലോ എന്നോർക്കുമ്പഴാ….എന്തായാലും അടുത്ത ജന്മം ഞാൻ ഇയാളെ വിടുമെന്ന് വിചാരിക്കണ്ട,. ഈ ജന്മത്തിൽ തന്നെ എന്നെ കെട്ടാൻ പാടില്ലായിരുന്നോ!” അനന്തൻ തിരക്കിട്ട് നിവേദ്യത്തിനുള്ള പായസത്തിന്റെ പണിയിൽ മുഴുകിനിക്കണത് പോലേ അഭിനയിച്ചെങ്കിലും എല്ലാം കേൾക്കുന്നുണ്ടായിരുന്നു . അയാളുടെ വിഷമം കണ്ടാൽ ചിലപ്പോ അവൾ അവിടുന്ന് പോകില്ലാന്നോർത് അയാൾ എല്ലാം വെറുതേ മൂളി കേട്ടു . “മ്മ് ഇനി പറഞ്ഞിട്ട് കാര്യം ഒന്നുമില്ല, എന്നാലും എനിക്ക് ഒരു ആഗ്രഹം നമുക്ക് ഈ കള്ള കണ്ണനെ അങ് ദത്തെടുത്താലോ അനന്തേട്ടൻ അച്ഛൻ, ഞാൻ അമ്മ . കണ്ണാ നീ കേട്ടല്ലോ ഞാൻ നിന്നെ ഏൽപ്പിച്ചു പോകുവാ… “ അന്ന് രാത്രി നടയടച്ചു അനന്തൻ പോറ്റി ഇറങ്ങുമ്പോ പിന്നിൽ നിന്നൊരു ഒച്ച “ആഹാ എന്നെ ദത്തെടുത്തിട്ട് ഇവിടെ തന്നെ നിർത്തിയിട്ട് പോകുവാണോ! അച്ഛനെ ഒറ്റയ്ക്കാക്കരുതെന്നാ ‘അമ്മ പ്രത്യേകം പറഞ്ഞെ “ തിരിഞ്ഞു നോക്കിയാ അനന്തന് കണ്ണുകളെ വിശ്വസിക്കാൻ കഴിഞ്ഞില്ല ആറേഴു വയസ്സ് പ്രായം തോന്നിക്കുന്ന ഓമനത്തമുള്ള ഒരു ഉണ്ണി. “അവള് ഓരോ വട്ടു പറയുന്നേനു നീയും കൂട്ട് നിക്കുവാണോ എന്റെ കണ്ണാ , എന്തായാലും കൂടെ പോര്, എനിക്ക് ഒരു കൂട്ടാവുലോ “ Name : Rugma M Company … Continued
അലാറം തുടർച്ചയായി അടിച്ചെങ്കിലും രവി ബെഡ്‌ഡിൽ നിന്ന് അനങ്ങിയില്ല. കഴിഞ്ഞ രാത്രി കണ്ട ഇന്ത്യാ പാക്കിസ്ഥാൻ വേൾഡ് കപ്പ് മാച്ചിന്റെ ഓർമ്മകളിൽ ചുരുണ്ട് കൂടി കിടന്നു. കട്ടിലിനോട് ചേർന്ന മേശയിൽ ഇരുന്ന റിമോട്ട് എടുത്ത് എ.സി. ഓഫാക്കി വീണ്ടും പുതച്ച് മൂടി. ഭാര്യ ഹേമ ഓഫീസിൽ പോകാൻ സമയമായി എന്ന് പറഞ്ഞെങ്കിലും ഫലമുണ്ടായില്ല. “ചേട്ടാ. എന്നും … Continued
“ഹൊ, വല്ലാത്ത കഷ്ടമായിപ്പോയി നല്ലോരു കൊച്ചനാരുന്നു..”“ഇന്നെലക്കൂടി വീട്ടിൽ വന്നതാ അപ്പൂന്റെ കൂടെ..”“ആ പിള്ളേരെപ്പറ്റി ഓർത്തിട്ടാ എനിക്ക്… ആ കൊച്ച് ഇനിയെന്ത് ചെയ്യും അതുങ്ങളെക്കൊണ്ട്”. താടിക്ക് കൈയ്യും കൊടുത്ത് വേദനയോടെ അടക്കിപ്പിടിച്ച സ്വരത്തിൽ ആരൊക്കെയോ സംസാരിക്കുമ്പോൾ പറക്കമുറ്റാത്ത തന്റെ രണ്ടുമക്കളെ നെഞ്ചോടു ചേർത്ത് കണ്ണുകളേതോ ബിന്ദുവിൽ കേന്ദ്രീകരിച്ച് ചുവർചാരി അവൾ നിലത്തിരിക്കുകയാണ്..അതൊരു പ്രതിമയല്ലെന്ന് ഉറപ്പിക്കാൻവേണ്ടി മാത്രം നിലയ്ക്കാതെ … Continued
I observed how the minute hand converged to that point with grace and the way the clock juddered in tune to the alarm. Smiling goofily, I looked at the paper-birds lying around me that kept me awake all night. I … Continued
Though not a native of Trivandrum, I spent most of my childhood here. I happened to live here as my parents are government employees. My father being a central government employee, worked mostly outside Kerala and mother being a state … Continued
Once upon a time there lived an axeman near a riverside. One day he accidentally lost his axe in the river. He started weeping aloud for he had only one axe for his livelihood. River Goddess appeared before him with the axe. He … Continued
ചിത്രമലയുടെ മുകളിൽ അന്നും പതിവു പോലെ ഒരുപാടാളുകളുണ്ടായിരുന്നു. ദുർഘടം പിടിച്ചൊരു വഴിയിലൂടെ വേണം മുകളിലെത്താൻ എന്ന കാര്യമൊന്നും അവിടേക്കു വരുന്നതിൽ നിന്ന് ആൾക്കാരെ പിന്തിരിപ്പിക്കാറില്ലായിരുന്നു.. കുടുംബങ്ങളും കമിതാക്കളും എന്നു വേണ്ട എല്ലാത്തരം ആൾക്കാരും ചിത്രമലയുടെ സൗന്ദര്യം ആസ്വദിക്കാൻ അവിടെത്താറുണ്ടായിരുന്നു. മലമുകളിൽ നിന്ന് ചുറ്റും നോക്കിയാൽ കാടുകളും ദൂരെയൊഴുകുന്ന പുഴയുമൊക്കെ ചേർന്ന് ശരിക്കുമൊരു ചിത്രം വരച്ചു വച്ചതു … Continued
സ്നേഹം – തെന്നിവീഴാതെ താങ്ങിയ അമ്മക്കൈകളിലൂടെയാണ് നമ്മൾ പരിചയപ്പെട്ടത്. കുഞ്ഞിളം ചുണ്ടുകൾ സമ്മാനിച്ച ചിരിക്ക് നിന്റെ നിറവായിരുന്നു. മുക്കാലും മുറിച്ച് കൂടപ്പിറപ്പു തന്ന മുട്ടായിത്തുണ്ട് നീയായിരുന്നു. അച്ഛൻ വച്ചു നീട്ടിയ വിയർപ്പു നിറഞ്ഞ നോട്ടുകൾക്ക്‌ നിന്റെ മണമായിരുന്നു. എനിക്കായവർ നീട്ടിയ ചോറ്റുപാത്രങ്ങൾക്ക് നിന്റെ രുചിയായിരുന്നു. പറയാതെ ബാക്കി വച്ച കഥകളിൽ നീ ഒളിച്ചിരുന്നു. എന്റേത് എല്ലാം … Continued
രാവിലെ ഏഴുമണിക്ക് തന്നെ അലറാം വച്ച് എഴുനേറ്റു, കുറച്ചുനേരം കൂടി കിടക്കണമെന്നുണ്ടായിരുന്നു, പക്ഷെ ഇന്ന് ഓഫീസിൽ പോകണ്ട ദിവസമാണ്, ഡേവിഡ് സാറിന്റെ മുഖം ആലോചിക്കുമ്പോൾ തന്നെ പേടിയാവുന്നു, അലറി കൊണ്ടിരിക്കുന്ന സിംഹത്തിന്റെ മടയിൽ കയറിപോകുന്ന ഒരു ഭീതി, ജനാലകൾക്കിടയിലൂടെ അയല്‍ വീട്ടിലെ പാട്ടുപടിക്കുന്ന പെണ്‍കുട്ടിയുടെ വീണയില്‍ വിരിഞ്ഞ ഗാനാലാപനം ഒഴുകിവരുന്നുണ്ട്, ശ്രുതികുട്ടി ഇപ്പൊ ഒരുവിധം നന്നായി … Continued
“അച്ഛാ അമ്മ കൂടി പാർട്ടിക്ക് വരുന്നുണ്ടെന്നു…. അമ്മേടെ ഏതോ ഒരു കൂട്ടുകാരി ആണത്രേ പെണ്ണിന്റെ അമ്മായി “ അലമാരയിൽ നിന്നും പഴയ സാരി എടുക്കുന്നതിനിടയിൽ ആണ് ഞാൻ അത് കേൾക്കുന്നത്. അതല്ല അച്ഛാ അമ്മയ്ക്ക് നല്ല ഒരു സാരി പോലും ഇല്ല..പഴേത് ഏതോ തപ്പുവാ… സാരി ഉണ്ടെങ്കിലും ചേരുന്ന ബ്ലൗസ് ഇല്ലായിരുന്നു.. എപ്പോഴും അച്ഛനും മക്കൾക്കും … Continued
ദൂരേ ദൂരേ ഒരു ഗ്രാമം ഉണ്ടായിരുന്നു. ആ ഗ്രാമത്തിന് ഒരു ഭരണാധികാരിയും, മറ്റു അധികാരികളും ഉണ്ടായിരുന്നു . ആ ഗ്രാമത്തിലെ പല പ്രധാന പ്രശ്നങ്ങളും പരിഹരിക്കപ്പെടുന്നില്ല എന്നുള്ള സത്യം നിലനിൽക്കുമ്പോഴും , വേറേ പല ഗ്രാമങ്ങളേക്കാൾ മെച്ചപ്പെട്ടതായിരുന്നു ഇവിടുത്തെ അവസ്ഥ എന്ന് പറയേണ്ടി വരും. എന്നിരുന്നാൽ പോലും രാഷ്ട്രീയ തർക്കങ്ങളും, ജാതി പറച്ചിലും ഇവിടെയും ഉണ്ടായിരുന്നു . അതില്ലാത്ത … Continued
ഡിസംബറിലെ മരം കോച്ചുന്ന ആ പ്രഭാത സവാരിക്ക് രണ്ട് ഉദേശങ്ങളായിരുന്നു – ആരോഗ്യതല്പരരായ മലയാളികളെ പോലെ തൻ്റെ ആരോഗ്യം സംരക്ഷിക്കാനും പിന്നെ പുതിയ സൃഷ്ടിക്കുള്ള സ്വസ്ഥമായ ചിന്തകൾക്ക് വേണ്ടിയും. നമ്മൾ കണ്ട് ശീലിച്ചതും കേട്ട് പഴകിയതുമായ എഴുത്തുകാരിൽ നിന്നും തീർത്തും വിഭിന്നമായ ജീവിതചര്യയുള്ള ആളായിരുന്നു അയാൾ. മദ്യപാനമോ പുകവലിയോ ഇല്ല. സിക്സ് പാക്ക് ഒന്നും അല്ലെങ്കിലും … Continued
അവൻ്റെ കണ്ണുകളിൽ പ്രതീക്ഷ വറ്റിയിരുന്നില്ല.. ബസ്സ് പുറപ്പെടാൻ സ്റ്റാർട്ട് ചെയ്തു നിർത്തിയേക്കുന്നു , എല്ലാവരും കയറികഴിഞ്ഞു .അവൻ ഗേറ്റിൻ്റെ ഭാഗത്തേക്കു വീണ്ടും തിരിഞ്ഞുനോക്കി, ആരും വരുന്നില്ല.. ധനുമാസത്തിലെ കുളിർ കാറ്റ് പുറത്തുതട്ടി ആശ്വസിപ്പിക്കുന്ന പോലെ അവനു തോന്നി. കണ്ണുകൾ നിറഞ്ഞു പെയ്യാൻ വെമ്പി നില്കുന്നു.. മറ്റുള്ളവരിൽ നിന്നു ശ്രദ്ധ മാറാൻ അവൻ മേലോട്ട് ഒന്നു നോക്കി, വിണ്ണിലെ താരകങ്ങൾ … Continued
പതിവുപോലെ അലാറം നിലവിളിച്ചു ഞാൻ ചാടി എഴുന്നേറ്റു. ബെഡ്ഷീറ് മാറ്റി ചേച്ചിയെ നോക്കി. നല്ല ഉറക്കം. എങ്ങനെ ഉറങ്ങാതെ ഇരിക്കും !! പുറത്തു നല്ല മഴ പെയ്യുന്നുണ്ട്. നല്ല തണുപ്പ്. പുതച്ചു മുടി കിടക്കാനാ തോന്നുന്നേ. ഇരുട്ടു തന്നെ. നേരം വെളുക്കുന്നതെ ഉള്ളു. അലാറം അടിച്ചു കൊണ്ടേ ഇരുന്നു. ഞാൻ തൊട്ടടുത്തു കട്ടിലിൽ കിടക്കുന്ന അച്ഛനെ ഒന്ന് എത്തി നോക്കി. നല്ല ഉറക്കം തന്നെ. ഞാൻ മുറുമുറുത്തു. അടുക്കളയിൽ പാത്രത്തിന്റെ ഒച്ച കേൾക്കാം. ഞാൻ ഉറങ്ങാൻ കിടന്നപ്പോഴും ‘അമ്മ അടുക്കളയിൽ ആയിരുന്നു. ഇപ്പോൾ എഴുന്നേറ്റിട്ടും അമ്മ അവിടെ തന്നെ. “ഇതെന്താ ‘അമ്മ ഉറങ്ങിയതേയില്ലെ? ഈ തണുപ്പത്തു എങ്ങനെയാ എഴുന്നേൽക്കാൻ തോന്നുന്നേ? ഞാൻ മനസ്സിൽ പറഞ്ഞു. പിന്നെ ചേച്ചിയെ വിളിച്ചു. “കൊച്ചേ എഴുന്നേൽക്ക് ട്യൂഷന് പോകേണ്ടേ. അച്ഛൻ ഇപ്പൊ ഉണരും. എഴുന്നേൽക്ക് കൊച്ചേ”. ചേച്ചി പതിയെ എഴുന്നേറ്റു.അപ്പോഴേക്കും അച്ചന്റെ കടുപ്പൻ വോയിസ്, “എഴുന്നേറ്റില്ലേ രണ്ടാളും, എത്ര നേരമായി അലാറം അടിക്കുന്നു. ട്യൂഷന് ടൈമിൽ എത്തിക്കോണം”. ഞങ്ങൾ ചാടി എഴുന്നേറ്റു. സമയം 5.30am. അര മണിക്കൂറിനുള്ളിൽ റെഡിയാകണം. 6.00am ആണ് ട്യൂഷൻ ടൈം. ഉറക്കം മാറീട്ടില്ല. എനിക്കു നൈറ്റ് എത്ര നേരം വേണമെങ്കിലും ഉണർന്നു നല്ല ഫ്രഷ് ആയിട്ടു ഇരിക്കാൻ പറ്റും എന്നാൽ മോർണിംഗ് ടൈമിൽ ഉറങ്ങാനാണ് ഇഷ്ടം. അതിന്റെ കൂടെ നല്ല മഴയും നല്ല തണുപ്പും. ഞാൻ പഠിക്കുന്നതും നൈറ്റിൽ തന്നെ. അച്ഛനോട് പറഞ്ഞതാണ് സ്കൂൾ വിട്ടു വന്നിട്ടു ട്യൂട്ടിഷനു പോയിക്കോളാമെന്ന് പക്ഷേ സമ്മതിച്ചില്ല. ടൈം മാനേജ്‌മന്റ് ശരി ആകണമത്രേ!!!! പല്ലു തേച്ചു തേച്ചില്ല എന്ന മട്ടിൽ പല്ലു തേച്ചു. സ്കൂൾ യൂണിഫോം ഇട്ടു. ചേച്ചിക്ക് ഫുൾ സ്കർട്ടും എനിക്ക് ഹാഫ് സ്കർട്ടും ആണ് യൂണിഫോം. എട്ടാം ക്ലാസ് മുതൽ ഫുൾ സ്കർട്ട് ആണ്. ഞാൻ ഏഴിലും ചേച്ചി എട്ടിലും ആണ്. ട്യൂഷൻ കഴിഞ്ഞു ഇനി തിരിച്ചു എട്ടു മണിക്കെ വരികയുള്ളു. എട്ടര ആകുമ്പോൾ കാർ അങ്കിൾ വരും. പിന്നെ കുളിക്കാൻ ഒന്നും ടൈം കിട്ടില്ല. കുളി എല്ലാം സ്കൂളിൽ നിന്നും വന്നിട്ടു. ഞങ്ങൾ ചടപടേ ഇറങ്ങി. അതിനിടയിൽ ‘അമ്മ ചായ കൊണ്ട് വന്നു. “കുടിച്ചിട്ട് പോ. ഇല്ലെങ്കിൽ ഉറക്കം വരും”. നല്ല ചുടു ചായ. നല്ല തണുത്ത ക്ലൈമറ്റ്. എൻജോയ് ചെയ്തു കുടിക്കേണ്ടതാണ്. ടൈം ഇല്ല.”ഗളും” ഒറ്റ വലിയിൽ ചായ കുടിച്ചു കുടയും എടുത്ത് ഞങ്ങൾ ചാടി ഇറങ്ങി. മുറ്റത്തെ പടികൾ കഴിഞ്ഞു റോഡിൽ ഇറങ്ങി. ട്യൂഷൻ സാർ രണ്ടു വീട് കഴിഞ്ഞാണ് താമസിക്കുന്നത്. അച്ഛന്റെ ഫ്രണ്ട് ആണ് സാർ. സ്കൂൾ പ്രിൻസിപ്പൽ ആണ്. മാത്‍സ് ആണ് ഫേവറിറ്റ് സബ്ജെക്ട്. ഞങ്ങൾക്കു ട്യൂഷനും അതിനു തന്നെ. ഞങ്ങളുടെ വീടിന്റെ പുറകിൽ നിന്നാൽ സാറിന്റെ വീട് കാണാം. മഴ കാരണം ഇരുട്ടു മാറീട്ടില്ല. റോഡിൽ മഴവെള്ളം നല്ല ഫോഴ്സിൽ പോകുന്നുണ്ട്. ഞാൻ താഴത്തോട്ടു നോക്കി. എന്തോ ഒരു കുഴപ്പം !! പെട്ടന്നു ബോധം വന്നു. “അയ്യോ” നിലവിളിച്ചു കൊണ്ട് ഞാൻ വീട്ടിലേക്കു ഓടി. “എന്താ കൊച്ചേ ?” ചേച്ചി വിളിച്ചു. “ഞാൻ പാവാട ഇടാൻ മറന്നു”. ഞാൻ വീട്ടിലേക്കു ഓടി. ലോങ്ങ് പെറ്റികോട്ട് രക്ഷിച്ചു!! എന്നാൽ ഞാൻ വീടിന്റെ അകത്തു കയറും വരെ ചേച്ചിടെ ചിരി ഞാൻ കേട്ടു. “എന്ത് പറ്റി. ബുക്ക്സ് എടുത്തില്ലേ?” അച്ഛന്റെ വോയിസ്. ഞാൻ ഒന്നും പറഞ്ഞില്ല. “എന്ത് പറ്റിയെടി” ‘വീണ്ടും അച്ഛന്റെ വോയിസ്. “ബാത്‌റൂമിൽ പോകണം” എന്റെ മറുപടി. പാവാട ഇടാൻ മറന്നു് എങ്ങനെ പറയാനാ! പാവാട ഇട്ടു ഞാൻ വീണ്ടും ഇറങ്ങി. ചേച്ചി ഗേറ്റിന്റെ ഫ്രണ്ടിൽ നിൽക്കുന്നുണ്ടായിരുന്നു. “വേഗം വാ”ചേച്ചി ചിരി മായാതെയുള്ള ശബ്ദത്തിൽ പറഞ്ഞു. ഞങ്ങൾ ഓടി ട്യൂഷൻ വീട്ടിൽ എത്തി. ഗേറ്റ് തുറന്നു അകത്തു കയറി. മോർണിംഗ് ടൈമിൽ ഞങ്ങൾക്ക് മാത്രമേ ട്യൂഷൻ ഉള്ളു. അച്ഛന്റെ സ്പെഷ്യൽ റിക്വസ്റ്റിൽ ആണ് ഇത്. വീടിന്റെ പുറത്തെ ഗ്രിൽ ഇട്ട വരാന്തയിൽ ആണ് ട്യൂഷൻ. സാർ റെഡി ആയിട്ടില്ലെന്നു തോനുന്നു. ലൈറ്റ് ഇട്ടിട്ടില്ല. ഞങ്ങൾ ലൈറ്റ് ഇട്ടു കോളിങ് ബെൽ അടിച്ചു. ഞാൻ ഹോംവർക്ക് കംപ്ലീറ്റ് ചെയ്തിട്ടില്ലായിരുന്നു. സാർ വരുന്നതിനു മുൻപേ ഫിനിഷ് ചെയ്യാൻ തിടുക്കത്തിൽ ബുക്ക് ഓപ്പൺ ചെയ്തു. ചേച്ചി പതിയെ ഡെസ്കിൽ തല വച്ച് കിടന്നു. എന്റെ “പാവാട” ഉറക്ക ചുവ മുഴുവനായിട്ടു മാറ്റിയിരുന്നു. ഒരു പതിനഞ്ചു മിനിറ്റ് കൊണ്ട് മുഴുവൻ ഹോം വർക്കും തീർത്തു. മഴ നല്ല കലശലായി തന്നെ പെയ്യുന്നു. “കൊച്ചേ സാർ ഇപ്പൊ വരും. ഉറങ്ങാതെ” ചെറിയ ഉറക്ക കൊതിയിൽ ഞാൻ ചേച്ചിയെ നോക്കി പറഞ്ഞു. “പോ കൊച്ചേ”. “സാർ വരുമ്പോൾ പറഞ്ഞാൽ മതി”. ഇനി എന്ത് പറയാനാ!! സമയം ഒരു ആറര ആയി കാണും. രണ്ടു മിനിറ്റ് കഴിഞ്ഞപ്പോൾ ഡോറിന്റെ ലോക്ക് മാറ്റുന്ന സൗണ്ട്. ചേച്ചി ചാടി എഴുനേൽറ്റു. ഗുഡ് മോണിങ് സാർ പറയാൻ ഒരുങ്ങിയപ്പോഴേക്കും സാറിന്റെ വൈഫ് ആയിരുന്നു ഡോർ തുറന്നതു. “സാർ റെഡി ആയിട്ടില്ല. ഹോംവർക്ക് കംപ്ലീറ്റ് ചെയാനുണ്ടെങ്കിൽ ചെയൂ. സാർ കുറച്ചു ലേറ്റ് ആകും”. ഞങ്ങൾ തലയാട്ടി. ആന്റിക്കും ഉറക്കം മാറീട്ടില്ലേ? കണ്ടിട്ട് ഇപ്പോ ഉണർന്ന മട്ടുണ്ട്. ആന്റി ഡോർ ക്ലോസ് ചെയ്തതും ഞങ്ങൾ രണ്ടും ടപ്പേന് ഡെസ്കിലോട്ടു തല വച്ചു. എന്തൊരു മഴയാണ്. നല്ലസുഖം ബെഡിൽ പുതച്ചു മുടി കിടക്കാൻ പറ്റിയ ടൈം. ഞാൻ ചെറുതായി ഒന്ന് മയങ്ങി. പിന്നയും ഡോർ തുറക്കുന്ന സൗണ്ട്. ചാടി എഴുനേറ്റു. ആന്റി തന്നെ. ഹോം വർക്ക് ചെയ്തു തീർത്തെങ്കിൽ പൊയ്ക്കോളൂ. ഇന്ന് ട്യൂഷൻ ഇല്ല. ആന്റിടെ മുഖത്ത് ചെറിയ ചിരി ഉണ്ട്. എന്താ ഉദ്ദേശിച്ചെന്നു മനസിലായില്ല ഞങ്ങൾ ഉറങ്ങുന്നത് കണ്ടു കാണുമോ? എന്തായാലും എനിക്ക് നല്ല ദേഷ്യം വന്നു. നേരത്തെ പറഞ്ഞിരുന്നെങ്കിൽ വരണ്ടായിരുന്നല്ലോ. ഞങ്ങൾ വീട്ടിൽ തിരിച്ചെത്തി. സമയം ഏഴു മണി. എന്താ ഇത്ര വേഗം ട്യൂഷൻ കഴിഞ്ഞോ? ‘അമ്മ ചോദിച്ചു. ഇന്ന് ട്യൂഷൻ ഇല്ലന്ന് പറഞ്ഞു. സാറിനെ കണ്ടില്ല. ചേച്ചിയാണ് മറുപടി പറഞ്ഞത്. ഞാൻ അപ്പോഴും ദേഷ്യത്തിൽ തന്നെ. നല്ല തണുത്ത സമയത്തു ഉറങ്ങുന്നതിനു പകരം രാവിലെ എഴുന്നേറ്റു ചാടിയോടി പാവാടയും ഇടാൻ മറന്നു. ചേച്ചിടെ മുന്നിൽ നാണവും കേട്ടു . ഇനി എന്തായാലും ചേച്ചിടെ ഫ്രണ്ട്സിനോട് പറയുകയും ചെയ്യും. എല്ലാം കഴിഞ്ഞപ്പോൾ ട്യൂഷൻ ഇല്ല പോലും !!. ഒരു ട്യൂഷൻ അപാരത…… Name : Divya VK Company : Incredible Visibility You need to login … Continued
ആർദ്രമീ ധനുമാസ രാവുകളിലൊന്നില്‍ … ആതിര വരും പോകും അല്ലെ സഖീ … വണ്ടിയുടെ സ്റ്റിയറിങ്ങില്‍ താളമിട്ടു കൊണ്ട് ആ പഴയ കവിതയുടെ വരികള്‍ ഓര്‍ത്തെടുക്കാന്‍ ഞാന്‍ ഒരു ശ്രമം നടത്തി. എന്തുകൊണ്ടാനെന്നറിയില്ല ഈ പാടു കഴിഞ്ഞ കുറച്ചു ദിവസങ്ങളായി എന്റെ മനസ്സില്‍ കടന്നു കൂടിയിട്ട്‌. ഇന്ന് ഈ യാത്രക്കിടയില്‍ ഈ പാട്ട് പ്രത്യേകമായി ഓര്‍ക്കാന്‍ … Continued
അവൾ എല്ലാകുട്ടികളെയും പോലെയായിരുന്നില്ല, കുസൃതി കുറച്ചു കൂടുതലാണ്. ഹോർലിക്‌സും ബൂസ്റ്റും കുടിക്കാൻ കൊടുത്താൽ ചെടിച്ചട്ടിയിൽ ഒഴിച്ചു ഓടി രക്ഷപ്പെടും. അവളെക്കുറിച്ചു എഴുതാൻ തുടങ്ങിയാൽ കുറച്ചു വാക്കുകളിൽ ഒതുക്കാൻ കഴിയില്ല, അത്രക്കുണ്ട് കുസൃതികൾ. അഞ്ചാം ക്ലാസ് കഴിഞ്ഞപ്പോൾ അവളെ അത്രേംകാലം സ്നേഹിച്ചിരുന്നവർ കൊണ്ടുപോയി ബോർഡിങ് സ്കൂളിലാക്കി. അവൾക്കൊന്നും മനസ്സിലായില്ല. കരച്ചിൽ വരുന്നുണ്ട്. പക്ഷേ കണ്ണുകൾ നിറഞ്ഞില്ല. … Continued
അയാൾ തോണി തുഴയുകയാണ് ഇടക്കിടെ ആടി ഉലയുന്നുമുണ്ട്. അപ്രതീക്ഷിതമായ വേലിയേറ്റങ്ങൾ.പിന്നെ?? പിന്നെന്താ?അയാൾക്കെന്താ പറ്റ്യേ? ന്റെ കൃഷ്ണാ മറന്നൂല്ലോ .. ആ കഥയും മറന്നു. അയാൾ മരിച്ചോ? അതോ ആരേലും രക്ഷപെടുത്തിയോ?മറന്നു!പണ്ടെപ്പോഴോ മുത്തശ്ശി പറഞ്ഞുതന്ന കഥയാരുന്നുല്ലോ ഇത്.പാവക്കുട്ടികൾക്ക് മറവി രോഗം വരുമെന്നാരും പറഞ്ഞു കേട്ടിട്ടുമില്ല പിന്നെന്താണാവോ ഞാനിങ്ങനെ മറക്കുന്നെ .അതും മറക്കാൻ മറ്റൊന്നും കിട്ടീല്ലല്ലോ. എനിക്ക് ഏറ്റവും പ്രിയപ്പെട്ട … Continued
ഏഴായിരത്തി മുന്നൂറ്റിമുപ്പത്തിയഞ്ച് ….പിന്നെയും അയാൾ എണ്ണി .എണ്ണായിരം വരെ .വെളുത്ത ഗോളങ്ങൾ രക്തത്തിലേക്ക് ഇറങ്ങി അലിഞ്ഞു ചേരുന്നുണ്ട് . ഏഴായിരത്തി മുന്നൂറ്റി മുപ്പത്തിയഞ്ച് അതാണ് സംഖ്യ..മറക്കാനാകില്ല..അതിനു ശേഷം ഒരിക്കലും അയാൾക്ക് ഇരുപ്പു ഉറപ്പിക്കാനാകില്ല..അതിനു ശേഷമാണ് അയാൾക്ക് തൻ്റെ ഉണ്ണിയെ……ഏട്ടാ എന്ന് പിന്നീട് ആരും വിളിച്ചു കേട്ടിട്ടുണ്ടാകില്ല …….റൂം നമ്പർ ഇരുന്നൂറ്റി നാല് ..മാറാല വലംചുറ്റിയ ബൾബിലെ മഞ്ഞ വെളിച്ചം നിറഞ്ഞു നിന്നിരുന്ന … Continued
” റെസ്റ്റ് എന്നു പറഞ്ഞാൽ കമ്പ്ലീറ്റ് റെസ്റ്റ്. യാതൊരു വിധ സ്ട്രെയിനും പാടില്ല എന്നല്ലേ ഡോക്ടർ പറഞ്ഞേ? ഇങ്ങനെ ഇരുപത്തിനാല് മണിക്കൂറും പുസ്തകം വായിച്ചാൽ കണ്ണിനാണ് സ്ട്രെയിൻ. പിന്നെ ഇതുപോലത്തെ മനസ്സിലാവാത്ത പുസ്തകങ്ങളാവുമ്പോ തലച്ചോറിനും. അങ്ങനെ കിടന്ന് ബോർ അടിക്കുമ്പോ വല്ല ബാലരമയോ ബാലഭൂമിയോ എടുത്ത് മറിച്ച് നോക്കിക്കോളൂ. അതും മാക്സിമം അര മണിക്കൂർ.”ഉപദേശങ്ങളോട് സാധാരണ … Continued
ഒരുപാട് പേരെ മനോവേദനയിൽ ആഴ്ത്തിയ ഒരു ജനനമായിരുന്നു കേളുവിന്റേത്…എന്തിനു പറയുന്നു “കേളു” എന്ന പേര് വീണത് പോലും ഈ പറഞ്ഞ മനോവേദനയിൽ നിന്ന് തന്നെ. പട്ടാമ്പിയിലെ ഒരു ഇടത്തരം നായർ കുടുംബത്തിലാണ് കഥ നടക്കുന്നത്..!നാട്ടിലെ നെൽകൃഷിയിൽ ഒരു ചെറിയ പ്രമാണിയായിരുന്ന കൃഷ്ണന്റെയും വാസന്തിയുടെയും 3-നാമത്തെ സന്തതിയായി അവൻ ജനിച്ചു .നിർഭാഗ്യവശാൽ സ്വന്തം അമ്മയുടെ പ്രാണൻ കീറി … Continued
മറന്നു തുടങ്ങിയതെല്ലാം ഓർമിപ്പിക്കാനെന്നോണം മണ്ണിന്റെ മണമുള്ളൊരു കാറ്റ് എന്റെ മുടിയിഴകളിൽ തട്ടിത്തെറിച്ചു കടന്നു പോയി. കടലിരമ്പുന്ന നേർത്ത ശബ്ദം അങ്ങകലെ നിന്ന് കേൾക്കാം. പൂട്ടിയിട്ടിരിക്കുന്ന ഗേറ്റിൽ കുരുങ്ങിക്കിടക്കുന്ന ചങ്ങലക്കണ്ണികൾ തുരുമ്പിച്ചിട്ടുണ്ട്. വർഷങ്ങൾക്കു മുൻപ് അവർ വാങ്ങി വച്ച എന്റെ നരച്ച ബാഗിനുള്ളിൽ നിന്ന് കണ്ടു കിട്ടിയതാണീ താക്കോൽക്കൂട്ടം. ഇന്നിത് മുറുകെപ്പിടിക്കുമ്പോൾ സിരകളിൽ കൂടി എന്തോ ഒന്ന് … Continued
അവന്‍ മണ്ഡപത്തിലേക്ക് നടന്നു. പിന്നാലെ ബന്ധുക്കളും സുഹൃത്തുക്കളും. അവന്‍ ക്ഷണിച്ചതും അവന്റെ വീട്ടുകാര്‍ ക്ഷണിച്ചതുമായ് 300 പേര്. മൂന്നു ഫോട്ടോഗ്രാഫര്‍മാരാണ് ഈ സംഘത്തോടൊപ്പമുള്ളത്. നടന്നു വരുന്ന മുഴുവന്‍ പേരുടേയും ദൃശ്യങ്ങള്‍ പകര്‍ത്തിക്കൊണ്ട് പറക്കുന്ന ക്യാമറ പ്രവര്‍ത്തിപ്പിക്കുന്നവന്‍. ഒരാള്‍ മണ്ഡപത്തിലെ ഗ്രീന്‍ റൂം ലക്ഷ്യമാക്കി തന്റെ ക്യാമറയുമായ് ഓടി. അവസാനത്തെയാള്‍ അവന്റെ മുന്നിലും പിന്നിലും വശങ്ങളിലുമായ് ഇരുന്നും കിടന്നും … Continued
മരിച്ച നായയുടെ ശരീരം നന്നായി മരവിച്ചിരുന്നു, മരിച്ചിട്ട് ഒരു രാത്രി കഴിഞ്ഞിരുന്നു, തലേന്ന് കിടക്കാൻ പോകുമ്പോഴും അവൻ അവിടെ ഉണ്ടായിരുന്നതാണ്, ഒരു പേടിയാണ് അവനെപ്പോഴും, ആഹാരം കൊടുക്കാൻ വിളിച്ചാൽ പോലും വരില്ല, കൊടുക്കുന്ന ആൾ ദൂരെ മറയുന്നതു വരെയും കാത്തിരിക്കും അതിന്റ അടുത്തൊന്നു വരാൻ… ഇപ്പോൾ അവൻ ആരു വന്നിട്ടും ഓടി അകലുന്നില്ല.. അങ്ങനെ അങ്ങു … Continued
കാലം തെറ്റിയ മഴയോ, വിളിക്കാതെ വന്നു തിരിച്ചുപോയ പനിക്കോളോ പതിവില്ലാത്ത ഉച്ചമയക്കത്തിലേക്ക് നയിച്ചു . കണ്ണ് തുറന്നു നോക്കുമ്പോൾ സമയം 4 കഴിഞ്ഞിരിക്കുന്നു . ഒരു കട്ടൻ ഇട്ട് ബാൽക്കണിയിൽ ചെന്ന് തീർന്നുകൊണ്ടിരിക്കുന്ന മഴ നോക്കി കുറച്ച് നേരം നിന്നു . മനസ്സ് പതുക്കെ വീണ്ടും കേസ് ഡീറ്റൈൽസിലേക്ക് പോകാൻ തുടങ്ങിയിരുന്നു . അപ്രതീക്ഷിതമായി കേട്ട … Continued
We both did PG program in the same campus. She pursued mass communication and I did management studies. I rated her BBB. Bubbly, brainy and beautiful. She had the habit of using her Rynolds pen as a hair pin, to … Continued
One of my vividest memories of my maternal grandparents’ home at Kuthukuzhy is that of a snake crawling over my feet. It is one of those childhood memories which in hindsight, leaves one unsure whether it really happened. Moreover my … Continued
¶”പുലരാൻ നേരം ജനൽ വാതിൽകൽ പുതുതായ് എത്തും കിളി ചൊല്ലി….” ¶“എന്റെ അമ്മുവേ.., നീന്റെ പാട്ടിന്റെ ശബ്ദം ഒന്ന് കുറച്ചു വെക്കെടീ.. മനുഷ്യനെ ഉറങ്ങാനും സമ്മതിക്കില്ല. അവളുടെ ഒരു പാട്ടും കൂത്തും.” രാഘവൻ നായർ ഉറക്കച്ചുടലോടെ അലറി. “ശെരി അച്ഛാ..” അമ്മു ഉറക്കെ വിളിച്ചുപറഞ്ഞു. “ഈ അച്ഛനെന്താ ഞാനൊരു പാട്ട് കേട്ടാൽ. ഒരു മനസ്സമധാനവും തരില്ല.” … Continued
ഇളം തവിട്ടു നിറത്തിലുള്ള കൃഷ്ണമണികള്‍ …തീക്ഷ്ണമായ നോട്ടം .അറ്റം വിടര്‍ന്ന നീണ്ട നാസിക ..വശങ്ങളിലേക്ക് ചെറുതായൊന്നു പിരിച്ചു വച്ച മീശയും നേര്‍ത്തു ഇടതൂര്‍ന്ന താടിയും ..വിടര്‍ന്ന മാറിടം ..നീണ്ട മനോഹരമായ വിരലുകളോട് കൂടിയ ധ്രിടമായ കരങ്ങള്‍ …പെണ്‍കുട്ടികള്‍ക്ക് മാത്രമേ മനോഹരമായ വിരലുകള്‍ ഉണ്ടാകു എന്ന എന്റെ ധാരണയെ ആ വിരലുകള്‍ മാറ്റി…… എല്ലാത്തിനുമൊടുവില്‍ ഒരു നിഗൂഡമായ പുഞ്ചിരിയും ….തനി … Continued
ഒരിടത്ത് ഒരു കാട്ടിൽ ഒരു കുഞ്ഞൻ ഉറുമ്പ് ഉണ്ടായിരുന്നു. അവൻ ഒരിക്കൽ കൂട്ടുകാരുമൊത്ത് നടക്കാനിറങ്ങി. പെട്ടെന്ന് നല്ല മഴയും കാറ്റും വന്നു..എല്ലാവരും കൂട്ടം തെറ്റി. ഒഴുകി വന്ന വെള്ളത്തിൽ പെട്ടു ആ കുഞ്ഞൻ ഉറുമ്പ് ഒഴുകി പോയി…കുറച്ച് ദൂരം പിന്നിട്ടപ്പോൾ ഒരു മണ്ണ് കൊണ്ടുള്ള മാളത്തിന് അടുത്ത് തടഞ്ഞു നിന്നു…അവൻ അവിടെ കേറി കുറെ നേരം … Continued
If the grey stone walls of Silver Oak Institute could talk they would tell you about the things that happened there. Fortunately or unfortunately magic walls that talk are the least of its problems. Nestled in the sleepy town of … Continued
It all started on my first day at College. As college life is recognized as the most important part of our journey. Like most of the people I had my hopes high for a wonderful journey ahead with academics, new … Continued
മുഖത്ത് പറ്റിയിരുന്ന ഭൂമിയുടെ മാറാല തുടച്ചു മാറ്റി അയാൾ ചുറ്റിനും നോക്കി . ‘ ഞാൻ മരിച്ചതാണോ ?’ അയാൾ സ്വയം ചോദിച്ചു . ആവാൻ വഴിയില്ല ! ഇന്ദ്രിയങ്ങൾ അഞ്ചും വല്ലാത്തൊരു വ്യഗ്രതയോടെ പ്രവർത്തിക്കുന്നുണ്ട് . ആരോടെങ്കിലും ഒന്ന് ചോദിക്കാം എന്ന് വിചാരിച്ചാൽ , മനുഷ്യരൂപമുള്ള ഒന്നിനെയും കാണാനില്ല . അങ്ങിങ്ങായി മണ്ണിൽ പറ്റിച്ചേർന്നുറങ്ങുന്ന കള്ളിമുൾച്ചെടികളുടെ നര ബാധിച്ച നിറം മാത്രമാണ് ബാക്കി. ഭൂമിയിൽ നിന്നും വിപരീത ദിശയിൽ താപ വായു നിർഗമിക്കുന്നുണ്ട് . അതിന്റെ പളപളപ്പിനപ്പുറം ചിതല് പിടിച്ച് മരിച്ച, മണ്ണിന്റെ ആത്മാവൊഴിഞ്ഞ ശരീരം ദാഹിച്ചുറങ്ങുന്നുണ്ട് . മണ്ണിന്റെ ഉഷ്ണതാപം കുടിച്ചു തെഴുത്ത മേഘങ്ങളുടെ കീറത്തുണികൾ ആകാശം പോലൊന്നിൽ പറ്റിച്ചേർന്നു കിടന്നു. ഒരിയ്ക്കലും പെയ്തൊഴിയാതെ, അണ കെട്ടി നിറുത്തിയ മേഘക്കൂട്ടം , ഭൂമിയെ നോക്കി മിന്നലുകളാൽ പല്ലിളിച്ചു കാട്ടി പരസ്പരം രതിയിലേർപ്പട്ടു . ഒരിയ്ക്കലും സ്ഖലനം സംഭവിക്കാത്ത ഒരു ക്രിയ പോലെ .. ചൂട് പിടിച്ച പ്രാന്തന് കാറ്റ് ,മണ്ണിനെ വാരിയെടുത്ത് ദൂരേക്ക് വിതറുന്നു . നിലത്തേക്ക് വീഴുന്ന മണ്ണിനെ വീണ്ടും വാരിയെടുക്കുന്നു ,പൊടി മണലിന് ചിറകുകൾ മുളയ്ക്കുന്നു , കൊഴിയുന്നു , നിലത്തു വീഴുന്നു.. ഈ പ്രക്രിയ കാലാന്തത്തോളം നീണ്ടു പോകും എന്ന് അയാൾക്ക് തോന്നിപ്പോയി . അയാൾക്ക് മുന്നിൽ പൊട്ടിത്തകർന്ന്, അസ്ഥികൾ പുറത്തു കാട്ടി , ടാർ പൂശിയ കറുത്ത റോഡ് ഒരു ശവത്തിനെ പോലെ മുന്നിൽ വലിഞ്ഞു നിവർന്നു ഉണങ്ങിക്കിടക്കുന്നു . അത് വഴി യാത്രക്കാരോ വാഹനങ്ങളോ ചലിക്കുന്നില്ല എന്നത് അയാൾ ശ്രദ്ധിച്ചു . കാറ്റൊഴികെ മറ്റൊന്നും ചലിക്കുന്നില്ല. അയാൾ മുന്നിലേക്ക് നടന്നു . ദൂരെയായല്ലാതെ ഒരു മയിൽകുറ്റി കണ്ട് , അതിനടുത്തേക്ക് വേച്ചു വേച്ചു നടന്നു. സ്ഥലം മനസിലാക്കുക എന്നതായിരുന്നു ലക്ഷ്യം.. അസഹ്യമായ ചൂടാണ്. ഒരു പക്ഷെ ഇത് നരകം തന്നെയാവില്ലേ ..നരകത്തീ തന്നെയാവില്ലേ കത്തിജ്വലിക്കുന്നത് ? വല്ല വിധത്തിലും വേച്ചു വേച്ചു നടന്ന് അയാൾ ആ മയിൽകുറ്റിയുടെ അടുത്തെത്തി . പെയ്ന്റ് പൊളിഞ്ഞിളകി , അക്ഷരം വായിക്കാനാവാത്ത അവസ്ഥയിലായിരുന്നു അത് . അക്ഷരവും അക്കവുമില്ലെങ്കിൽ , മയിൽകുറ്റികൾ വെറുംപാറക്കല്ലുകൾ മാത്രമാണല്ലോ എന്നയാൾ ഓർത്തു . അതിനു താഴെ ഒരു പൂച്ചയുടെ അസ്ഥികൂടം കിടക്കുന്നുണ്ടായിരുന്നു. അതിന്റെ ശരീരത്തിലെ മാംസമാകെ ദ്രവിച്ച് അസ്ഥികൂടം മാത്രം ബാക്കിയായിരുന്നെങ്കിലും . തല ഒട്ടുമേ നശിക്കാത്ത അവസ്ഥയിലായിരുന്നു. അയാളതിന്റെ കാലിൽ തൂക്കിയെടുത്തപ്പോൾ അസ്ഥിയാകെ പൊടിഞ്ഞു പോകുകയും തല മാത്രം ഒരു ബോൾ പോലെ ദൂരേക്ക് ഉരുണ്ടു പോകുകയും ചെയ്തു . നരകം തന്നെ ! ഉറപ്പിച്ചു . എപ്പോൾ മരിച്ചിരിക്കണം ??- ഓർക്കാനാവുന്നില്ല ! ഗോവണികൾ നടന്നു കയറുമ്പോൾ , ശുഭ്ര വസ്ത്രമിട്ട, താടിയുള്ള വൃദ്ധനും , ഇടതും വലതുമായി രണ്ടു സുന്ദരികളായ മാലാഖമാരും ചിരിച്ചു കൊണ്ട് കാത്തിരിക്കുമെന്നല്ലേ വിചാരിച്ചത് ! ഇതൊരു മാതിരി മഹാരാഷ്ട്രയിലെ ഏതോ വറ്റി വരണ്ട ഉഷ്ണഭൂമി ! ‘ചിത്രഗുപ്തനെവിടെ ?? എന്റെ ആക്ടിവിറ്റീസിന്റെ ബാലൻസ് ഷീറ്റ് നോക്കാതെ നരകത്തിലേക്ക് തള്ളി വിട്ടവൻ ഒരു മാതിരി ഫാസിസ്റ്റ് ചിന്താഗതിക്കാരനായിരിക്കണം !’ രണ്ടാമതൊന്നാലോചിച്ചപ്പോൾ വേണ്ട എന്ന് തോന്നിപ്പോയി .. കണക്കൊക്കെ നോക്കാൻ തുടങ്ങിയാൽ അങ്ങോട്ട് കൊടുക്കാനേ ബാക്കിയുണ്ടാവൂ . അതിനാണല്ലോ ജീവിതം എന്ന് പറയുന്നത് ! അയാൾ തന്റെ നിഴലിലേക്കു നീട്ടി തുപ്പി .. എന്നാലും … മരിച്ചിട്ടുണ്ടാകുമോ ?? ഉറപ്പിക്കേണ്ടിയിരിക്കുന്നു! . ദൂരെയല്ലാതെ നിന്ന ഒരു കള്ളിമുൾ ചെടിയുടെ ദൃഡഗാത്രനായ ഒരു സൂചിമുന പറിച്ചെടൂത്ത് ഉള്ളം കയ്യിൽ ഒന്ന് വരഞ്ഞു. തൊലി പിളർന്നു മാംസം ആകാശം നോക്കിയതല്ലാതെ, ഒരു പൊടിക്ക് ചോര വരുന്നില്ല ! അത് കൊള്ളാമല്ലോ ! ഒന്നുകൂടെ പരീക്ഷിക്കാം ! കൈത്തണ്ടയിലെ ഇളം നീല ഷേഡുള്ള ഒരു ഞരമ്പിനെ തപ്പിപ്പിടിച്ചെടുത്തു , അതിനു കുറുകെ ആഴത്തിലൊരു ക്രീസ് വരച്ചു ! നാട്ടിലെ മീൻകാരി കൊണ്ട് വരുന്ന ഫോർമാലിനിട്ട മീനിന്റെ തൊലി പിളർന്നത് പോലെ ഇളം പിങ്ക് നിറത്തിൽ രക്തത്തിന്റെ വാൽവുകൾ വാപൊളിച്ചു കിടന്നു . വേദന കൊണ്ടയാൾ കൈത്തണ്ട പൊത്തിപ്പിടിച്ചു . അസ്തി വരെ കോറിയെങ്കിലും . ഞരമ്പിന്റെ തലപ്പുകൾ ജപ്പാൻ കുടിവെള്ള പദ്ധതിയുടെ പൈപ്പുകളുടെ വാവട്ടങ്ങളെ ഓർമിപ്പിച്ചുകൊണ്ട് ദാഹിച്ചു കിടന്നു . ‘ ചത്ത്‌ !!’ അയാൾ പറഞ്ഞു .’ അതൊരു സമാധാനം!’ മുള്ള് ദൂരേക്ക് വലിച്ചെറിഞ്ഞിട്ടു അയാൾ തന്റെ പദയാത്ര തുടർന്നു . നൈക്കിയുടെ ഷൂസിട്ട് ശീലിച്ച കാലുകൾ, ചുട്ടുപഴുത്ത കൂർത്ത പാറക്കല്ലുകൾ പുറത്തു കണ്ട റോഡിന്റെ അഗ്നി വലിച്ചെടുത്ത് ബുദ്ധിയിലേക്ക് പൊള്ളലിന്റെ വേദന അറിയിക്കുന്നു . മരിച്ചെങ്കിലും വേദനയ്ക്ക് ഒരു കുറവുമില്ല . ‘മരിച്ചാൽ വേദനമാറുമെന്ന് ഏതു വിവരം കെട്ടവനാണ് പറഞ്ഞത് ? ‘ങ്ഹാ ! മുൻപ് മരിച്ചിട്ടില്ലാത്ത ആരെങ്കിലുമാകും !’ എങ്കിലും വിയർക്കുന്നേയില്ല . . വിയർത്തിരുന്നെങ്കിൽ പാടായേനെ .. തുടയ്ക്കാൻ സ്വെറ്റ് ബാൻഡില്ലല്ലോ. റോഡിന്റെ മറു വശത്തു നിന്നും എന്തോ ഒന്ന് അയാളെ തന്നെ നോക്കി നിൽക്കുന്നു . കാറ്റും മണ്ണും ചേർന്ന് നിർമിച്ച വല്ല ശില്പവുമായിരിക്കും എന്നാണ് ആദ്യം കരുതിയത് . മണ്ണിന്റെ അതെ നിറം , അരയടി പൊക്കം മാത്രം ! … Continued
